मनोरंजनसंसार डटकम
केहि समय अगाडी देखि निकै चर्चामा रहेको एक्शनले भरिपुर्ण निखिल उप्रेतीद्वारा अभिनित चलचित्र “किङ” ले आफ्नो प्रदर्शन मिति एक दिन अगाडी सारेको छ | चलचित्र पहिले पुस २९ गते शुक्रवारको दिन प्रदर्शन हुने तय भएको थियो | तर अब चलचित्र पुस २८ गते बिहिवारको दिन नै प्रदर्शन हुने तय भएको छ | चलचित्र “लव साशा” ले आफ्नो प्रदर्शन मिति एक दिन अगाडी सारेको हुनाले पनि यस चलचित्रले पनि आफ्नो प्रदर्शन मिति अगाडी सारेको कुरा आएको छ | यो हिसाबले पुस २८ गते बिहिवार २ चलचित्रको भिडन्त हुने भएको छ |
जगन श्रेष्ठको प्रस्तुति रहेको चलचित्रमा निखिल संगै बेनिषा हमाल , अनुप विक्रम शाही , रुप राना , जगन श्रेष्ठ , प्रज्वल सुजल गिरि लगाएतका कलाकारहरुको मुख्य भूमिका रहेको छ | चलचित्रमा बसन्त सापकोटा , दिनेश सुनाम र सुजेन्द्र डी. कार्कीको संगीत , रोशन श्रेष्ठको द्वन्द र रामजी लामिछानेको नृत्य निर्देशन रहेको छ | चलचित्रलाई लेखन तथा निर्देशन गर्ने काम भने शबिर श्रेष्ठले गरेका छन् | चलचित्रका निर्माता भने जयन श्रेष्ठ हुन् |
चलचित्र “किङ” ले केहि समय अगाडी आफ्नो टिजर , ट्रेलर अनि गीत बाहिर सार्वजनिक गरिसकेको छ | अहिले चलचित्र युनिट जोड तोडले प्रचार प्रसारमा लागिपरेको छ | यस चलचित्रमा दर्शकहरुले नायक निखिल उप्रेतीलाई नया अवतारमा हेर्न पाउनु हुनेछ | भूमिका र उनको अभिनयको हिसाबले पनि उनको केहि फरक र पृथक अन्दाज यस चलचित्रमा रहेको छ | चलचित्रको सार्वजनिक ट्रेलर अनुसार चलचित्र निकै रोमान्चक हुन कुराको अड्कल यति बेला धेरैले काटिसकेका छन् | तसर्थ चलचित्र कस्तो रहेको छ र यसले कस्तो किसिमको व्यापारको साथमा दर्शकहरुको माझमा आफ्नो जादु देखाउने हो त्यो हेर्नको लागि भने केहि समय कुर्ने पर्ने हुन्छ | चलचित्रको काठमाडौँ उपत्यका भित्रको बजार वितरकको जिम्मा काफिया फिल्म्स अन्तर्गत गोबिन्द शाहीले लिनु भएको छ भने काठमाडौँ उपत्यका बाहिरको जिम्मा डिसियनले गरेको छ |
हेर्नुस ट्रेलर :
