अन्योलमा पर्दै चलचित्र “किङ्ग” , निर्माताको धोकेबाजीले चलचित्रलाई ठुलो समस्या

मनोरंजनसंसार डटकम
केहि समय अगाडी मात्र असोज २१ गतेको प्रदर्शन मिति तय गरेको चलचित्र “किङ्ग” ले अचानक पौष २९ गतेको लागि आफ्नो नया प्रदर्शन मिति तय गरेको छ | चलचित्रको यो किसिमको गतिबिधिले गर्दा चलचित्रको प्रदर्शन नै अन्योलमा परेको छ | यसरि चलचित्रका निर्माता जयन श्रेष्ठले अचानक प्रदर्शन मिति तय गर्दा उता चलचित्रको बजार वितरक शिव शंकर फिल्म्स र डिसीएन नेपालले भने आफुहरुलाई यो बिषयमा कुनै जानकारी नभएको बताएका छन् | यस किसिमको चलचित्रको निर्माताको क्रियाकलापले गर्दा चलचित्र कहिले प्रदर्शन होला भन्ने ठुलो प्रश्न सबैको अगाडी आएको छ |

केहि समय अगाडी चलचित्रका निर्माता जयन श्रेष्ठले काठमाडौँ उपत्यका भित्रको बजार वितरक शिव शंकर फिल्म्स र उपत्यका बाहिरको लागि डिसीएन नेपाललाई जिम्मा दिएको थियो | चलचित्र छायांकन सकिए लगत्तै सबै पैसा दिने भन्ने गरिएको सम्झौता तोडेर छायांकन सकियो भन्दै झुटो कुरा गर्दै छायांकन अगिनै सबै पैसा लगेको र असोज २१ गतेको मितिमा बजार वितरकहरुलाई चलचित्र जिम्मा लगाउन पनि नसकेको र बजार वितरकहरुलाई धोका दिएको निर्माता जयन श्रेष्ठ माथि ठुलो आरोप रहेको छ | चलचित्रको अहिले सम्म पनि छायांकन सकिएको छैन | तर अहिले उनले बजार वितरकहरुसंग कुनै सम्पर्कमा नै नआएर र कसैलाई थाहा नै नदिएर अर्का बजार वितरक गोपाल कायस्थलाई ६० लाख एमजी बेचिसकेको उनले सार्वजनिक गरेको समाचारले उनि माथि लागेको आरोप सहि साबित भएको छ |

यसरि उनले बजार वितरक माथि गरेको धोकाले चलचित्र अब प्रदर्शन हुने कुरामा निकै नै न्युन सम्भावना रहेको देखिन्छ | निर्माता जयन श्रेष्ठको यस किसिमको बजार वितरक प्रतिको धोकाले अब चलचित्रलाई ठुलो समस्या पर्ने देखिन्छ | यस हिसाबले दर्शकहरुले चलचित्र “किङ्ग” अब हलमा हेर्न पाउने या नपाउनेमा कुनै टुंगो छैन | निर्माता जयन श्रेष्ठको यो धोकेबाजीको कदमले चलचित्रलाई अब सिधै अन्धकार तर्फ धकेलेको छ |

जे.एस इन्टरटेनमेन्ट र जगन श्रेष्ठको प्रस्तुति रहेको चलचित्र “किङ्ग” का निर्माता जयन श्रेष्ठ हुन् भने निर्देशक सबिर श्रेष्ठले चलचित्रलाई निर्देशन गरेका छन् | चलचित्रमा नेपाली चलचित्र क्षत्रका एक्शन किङ्ग मानिने नायक निखिल उप्रेती मुख्य भूमिकामा देखिदैछन् | चलचित्रमा उनि संगै अनुपबिक्रम शाही, वेनिशा हमाल, प्रज्वलसुजल गिरी, रुपा राना र प्रस्तुतकर्ता जगन श्रेष्ठ लगाएतका कलाकारहरुको मुख्य भूमिका रहेका छन् | रामजी लामिछानेको नृत्य समावेश चलचित्रमा वसन्त सापकोटा, सुजेन्द्र डि कार्की सँगै र दिनेश शोनामले सुमधुर संगीत भरेका छन् | चलचित्रमा सञ्जय लामाको छायांकन र रोशन श्रेष्ठको द्वन्द्व निर्देशन रहेको छ | चलचित्रका व्रान्ड म्यानेजर अतुलराज मैनाली रहेका छन् |