प्रदर्शन मिति नजिकिदै गर्दा परदेशीको “उमंग” ले गर्यो नया गीत सार्वजनिक

मनोरंजनसंसार डटकम
तिहारको अवसर पारेर कार्तिक १२ गते देखि देशभरका हलहरुबाट प्रदर्शनमा आउन लागेको चलचित्र “उमंग” ले आईतबार काठमाडौँमा एक कार्यक्रमको बिच आफ्नो नया गीत सार्वजनिक गरेको छ | “दैव ले आँखा” बोलको गीतमा शब्द दयाराम पाण्डे , संगीत अर्जुन पोखरेल र स्वर गायक शिव परियारको रहेको छ | सगरमाथा फिल्म्सको प्रस्तुतीमा कुमार बिसीले निर्माण गरेको चलचित्र परदेशीको “उमंग” को निर्देशक शिव शर्मा रहेका छन् | उनि एक कुशल नृत्य निर्देशक पनि रहेका छन् | धेरै लामो समयको अनुभव पछि आफुले यस चलचित्रबाट डेब्यु निर्देशनको जिम्मेवारी बहन गरेको उनि बताउछन् |

परदेशीको दुख बेदना र पीडाको कथामा केन्द्रित रहेर तयार भएको चलचित्रमा बिनिता बराल, कुमार बिसी, सीपी पौडेल, रामबाबु रेग्मी, शिव शर्मा, शिला श्रेष्ठ, रमेश पोखरेल, वसन्त अधिकारी लगायतका कलाकारहरुको अभिनय रहेको छ | त्यसै गरि चलचित्रमा अर्जुन पोखरेलको शब्द तथा संगीतको साथमा भारतीय गायक नाकाश अजिजको पाश्र्व गायन समावेश रहेको छ | चलचित्रका निर्देशक शिव शर्मा हुन् भने निर्माता कुमार बिसी रहेका छन् |
चलचित्र केहि समय अगाडी मात्रै अस्ट्रेलियाको यात्रा पुरा गरेर नेपाल आएको हो | नेपालमा समेत चलचित्रले धेरै दर्शकहरुको मन जित्ने विश्वास निर्देशक शिव शर्माले ब्यक्त गरेका छन् | आफुले आफ्नो तर्फबाट अधिक प्रयास गरेको र नेपाली दर्शकहरुको हितमा चलचित्रको निर्माण भएको दाबी उनले गरेका छन् | चलचित्रको कथा बस्तु हाम्रै नेपालीहरुको वास्तविकतामा केन्द्रित रहेको र चलचित्रको बिषय बस्तु र प्रस्तुतिले सम्पूर्ण दर्शकहरुलाई बाधेर राख्ने कुरा उनले उल्लेख गरेका छन् |

८० प्रतिशत छायांकन दुवई र २० प्रतिशत नेपालको गुल्मी बागलुङ र काठमाडौंमा गरिएको चलचित्रकी निर्माता कुमार बिसी रहेका छन् | उनले निर्माता संगै कलाकारको रुपमा समेत रजतपटमा हात हालेका छन् | आफ्नो उदेश्य चलचित्र बनाएर पैसा कमाउनु भन्दा पनि राम्रो चलचित्र नेपाली दर्शकहरुको माझमा प्रस्तुत गर्नु रहेको कुरा उनले बताएका छन् | चलचित्रको कथा लेखक पनि उनि नै रहेका छन् | अहिले तत्कालिन नेपालको समस्यालाई उनले निकै नै राम्रो तरिकाले प्रस्तुत गर्ने प्रयास गरेका छन् | आफ्नो चलचित्रले सारा नेपालीहरुलाई संदेशको साथमा चेतना समेत पुग्ने विश्वास उनको रहेको छ | त्यसै गरि उनले आफ्नो चलचित्र पनि एक पटक हेरिदिनुहोस र आफ्नो प्रतिक्रिया सल्लहा सुझाब आफुहरुलाई प्रदान गरिदिनुहुन सम्पूर्ण नेपाली दर्शकहरुलाई बिनम्र अनुरोध गरेका छन् |
हेर्नुस गीत :

हेर्नुस ट्रेलर :