काठमाडौं / एक्सन-थ्रीलर चलचित्र ‘अगस्त्य’को ट्रेलर सार्वजनिक भएको छ ।
विहीबार आयोजित पत्रकार सम्मेलनमा सार्वजनिक ट्रेलरले चलचित्रले बदलाको कथा पेस गर्ने देखाएको छ । चलचित्रलाई सौरभ चौधरीले निर्देशन गरेका हुन्।
सार्वजनिक ट्रेलरमा सौगात मल्ल, नाजिर हुसेन, मलिका महत, निश्चल बस्नेत, प्रमोद अग्रहरि, रविन्द्र झा, शिशिर बाङ्देल, सिम्रन खड्काले स्थान पाएका छन् ।
फागुन १८ गते रिलिज हुने चलचित्रले टिजर रिलिजपछि तारिफ बटुलेकोमा सार्वजनिक ट्रेलरले दर्शकलाई चलचित्र हेर्न आकर्षण गर्ने देखिएको छ ।
प्रकाश मल्ल, अनिश तामाङ र विनोद पौडेलले निर्माण गरेको चलचित्रलाई निर्देशक चौधरीले नै लेखेका हुन् । विश्व गौचन र अभिषेक चौधरी कार्यकारी निर्माता रहेको चलचित्रलाई डायस्पोरामा सेभेन सिजले वितरण गर्दैछ ।