Thu. Mar 28th, 2024

काठमाडौं । सौगात मल्ल र दीया पुनको मुख्य भूमिका रहेको सिनेमा ‘मन्त्र’को रिलिज मिति घोषणा गरिएको छ । मंगलबार राजधानीमा आयोजित कार्यक्रममा सिनेमा आगामी बैशाख १६ गतेबाट नेपालभरका सिनेमा घरमा रिलिज हुने जानकारी दिइएको हो ।

खिल बहादुर गुरुङको निर्देशनमा निर्माण भएको सिनेमामा सौगात र दीयाका अलवा बुद्धि तामाङ, नमिता घिसिङ्ग, वीर बहादुर लामा, पासाङ्ग टि शेर्पालगायतका कलाकारको अभिनय रहेका छ । सिनेमाको कार्यकारी निर्मातामा देवेन्द्र मानन्धर र निर्मातामा रविराज कार्की, सुरेश कार्की र शुभ श्रेष्ठ छन् ।

हिमाली प्रेमकथा भनिएको सिनेमामा साम्तेन भुटियाको कथा, सन्तोष सुनारको संगीत, सञ्जय लामाको छायाँकन, मित्र डि गुरुङको सम्पादन र सुजिल कर्माचार्यको संगीत छ । गोर्खा सिरान चोक एन्ड लिगलिग कोट फिल्मसको ब्यानरमा निर्माण भएको सिनेमामा हिमाली भेगको सुन्दर दृश्यहरु कैद गरिएको छ ।

Leave a Reply

%d bloggers like this: