विवाह बन्धनमा बाँधिदैँ अभिनेत्री सुपुष्पा भट्ट र निर्माता रौनकविक्रम कँडेल

काठमाडाैँ । अभिनेत्री सुपुष्पा भट्ट र निर्माता रौनकविक्रम कँडेल विवाह बन्धनमा बाँधिने भएका छन् । बुधबार उनीहरूबीच इन्गेजमेन्ट भएसँगै उनीहरूले वैवाहिक यात्रा सुरू गर्न लागेको पुष्टि भएको हो ।
उनीहरू २ जनाबीच केही समयदेखि प्रेम सम्बन्ध भएको बताइन्छ । उनीहरूले बुधबार सिमित मानिसहरूका बीच इन्गेजमेन्ट गरेका छन् । उक्त कार्यक्रममा दुबै तर्फमा नजिकका आफन्त र साथीभाई सहभागी थिए ।
इन्गेजमेन्ट भएता पनि उनीहरूको विवाहको मिति भने तय भइसकेको छैन ।
‘रणवीर’बाट फिल्म क्षेत्रमा डेब्यु गरेकी सुपुष्पाले ‘छ माया छपक्कै’ र ‘चपली हाइट ३’ अभिनय गरेकी थिइन् । फिल्म ‘चपली हाइट ३’मा अभिनय गरेकी छिन् । उनको पछिल्लो फिल्म प्रदर्शन हुन बाँकी रहेको छ ।
त्यस्तै, राैनक बिक्रमले ‘कबड्डी कबड्डी’ सहित रामबाबु गुरुङको निर्देशन रहेका केही फिल्म निर्माण गरेका छन् ।