‘ए मेरो हजर २’ रिलिजको सँघारमा हुँदा साम्राज्ञी र सालिनमानको चर्चा फिल्मी वृतमा

अभिनेत्री साम्राज्ञी राज्यलक्ष्मी शाहले  फिल्ममा ‘ए मेरो हजुर २’ मा सलिनमान बनियाँ सँग जोडी बाँधेकी छिन् । ‘ए मेरो हजर २’ बाटै डेब्यु गरेका सलिनमानलाई दर्शकले राइजिङ स्टारको ट्याग दिईसकेका छन् । उनिहरु अभिनित फिल्म रिलिजको सँघारमा हुँदा साम्राज्ञी र सालिनमानको चर्चा फिल्मी वृतमा खुबै छ । फिल्म ट्रेलर र गीतबाट प्रतिक्षित बनिसकेको छ । सुपरहिट फिल्म ‘ए मेरो हजुर’ को सिक्वेल ‘ए मेरो हजुर २’ लाई लोकप्रिय नायिका झरना थापाको निर्देशन गरेकी हुन् ।
‘ए मेरो हजुर २’ को लागि झरनाले साम्राज्ञीलाई अनुबन्धित गरिसकेकी थिइन्, भने नायकको खोजी भैरहेको थियो । फिल्मको कथा अनुसार आकर्षक अनुहार फेला नपार्दा छायाँकनमा धेरै ढिला भैसकेको थियो । अन्ततः सलिनमानको तस्विर झरनाको हातमा पर्यो । झरनाले सम्वन्धित व्यक्तिसँग सलिनको बारेमा जानकारी लिईसकेकी थिइन् । झरनाले फिल्म युनिट लगायत साम्राज्ञीलाई समेत तस्विर देखाईन । तस्विर हेर्न वितिक्कै साम्राज्ञीले ‘एस’ भनिन् । एसअघि नै साम्राज्ञीले एक फेसन विकमा सलिनको ट्यालेन्ट देखिसकेकी थिइन् । नतिजामा झरनाको छनौटलाई दर्शकले मन पराएका छन् ।
‘ए मेरो हजुर २’ सुनिल कुमार थापाको लगानीमा निर्माण भएको फिल्म हो । फिल्ममा सलिन र साम्राज्ञीका संगै सलोन बस्नेत, अनुभव रेग्मी, विल्सन विक्रम राई, अम्बर सुवेदी, सुमन पौडेल, बुद्दी तामाङ, अनुवर कुँवर लगायतको अभिनय छ फिल्म भदौ १६ गतेबाट अल नेपाल सार्वजनिक प्रदर्शनमा आउँदै छ ।