१ हफ्ता अगाडी सर्यो अनमोलको “कृ” को प्रदर्शन मिति , छायांकन अगावै मुनाफामा चलचित्र

मनोरंजनसंसार डटकम
निर्माण अगावै अधिकतम चर्चामा रहेको चलचित्र “कृ” ले छायांकन पुर्व नै आफ्नो लगानी सुरक्षित गरिसकेको कुरा बाहिर आएको छ । १ करोड ६० लाखको बजेटमा निर्माण हुने नायक अनमोल केसी स्टारर चलचित्रले छायांकन तर्फ प्रस्थान गर्नु अगावै नै ओभरसिज राइट्स र काठमाण्डौ बाहिरको “एमजी” बाट आफ्नो लगानी सुरक्षित गरिसकेको कुरा चलचित्रका एक निर्माता सुवास गिरीले बताएका छन् ।
हाइलाइट्स नेपालले चलचित्रको डिजिटल र ओभरसिज राइट्स खरिद गरिसकेको र काठमाण्डौ बाहिर पनि चलचित्रले महंगो रकम “एमजी” पाएको कुराको जानकारी पनि उनले दिएका छन् । यस किसिमको कुराले चलचित्र प्रदर्शन अगावै नाफामा गएको संकेत गर्दछ । यहि बिचमा चलचित्रको प्रदर्शन मिति समेत एक हफ्ता अगाडी सारिएको छ । चलचित्र पहिले अर्को बर्षको भदौ १६ गते प्रदर्शन हुने कुरा पक्का भएको थियो । तर अब भने चलचित्र भदौ ९ गते नै प्रदर्शन हुने पक्का पक्कि भएको छ ।
केहि समय समय अगाडी देखि पर्दामा नदेखिएका नायक अनमोल केसीको यस चलचित्रको यति बेला सबैलाई प्रतिक्षा रहेको छ । यस्तै दर्शकहरुले चलचित्रमा यसपटक नायक अनमोल केसीलाई नया लुक्स र नया शैलीमा हेर्न पाउनुहुनेछ । चलचित्रमा उनले नव नायिका अदिती बुढाथोकी संग स्क्रिन शेयर गर्दैछन् । चलचित्रको निर्देशन सुरेन्द्र पौडेलले गर्दैछन् । यस्तै चलचित्रमा निर्माता तर्फ सुवास गिरी र भुवन केसी रहेका छन् । यस्तै श्री पराजुली चलचित्रका सह–निर्माता हुन् भने कमल गिरी कार्यकारी निर्माता रहेको छन् ।