मालाले पुरिए महानायक , उनको डाईलगमा तालि र सिट्ठीको बर्षात

मनोरंजनसंसार डटकम
पुराना होस या नया तर नेपाली कलाकारहरुलाई नेपालीहरुले गर्ने माया अनि सम्मानमा भने अझै पनि कुनै कमि आएको छैन । यसको ज्वलन्त उदाहरण बनेका छन् महानायक राजेश हमाल । राधा माध्यामिक विधालय जामुने तनहुँको ३६ औं वार्षिकोत्सव तथा अभिभावक दिवसको अवसरमा गरिएको कार्यक्रममा यस्तै दृश्य देखियो । कार्यक्रमको बिशेष अतिथिको रुपमा त्यहाँ पुगेका उनको त्यहाका बासीहरुले भब्य स्वागत गरे ।
उनि त्यहाँ पुग्दा सबै जना दंग देखिने थिए । यस्तै उनको उपस्थितिले कार्यक्रमको माहोल नै परिवर्तन बनाएको थियो । उनलाई सबैले माला अनि अबिरले स्वागत गरेका थिए । उनलाई त्यहाका जनताले माया गरेर लगाईदिएका मालाले उनको अनुहार नै पुरिएको अवस्था त्यहाँ सृजना भएको थियो ।
यस्तै उनले घाँसी आदर्श समाज नेपाल द्वारा राधा माविको नव निर्मिति चार कोठे भवनको उद्घाटन मात्र नभएर नव निर्मित भवन हस्तान्तरण पनि गरे । उनले कार्यक्रममा केहि बोल्दै गर्दा र चलचित्रका केहि संवाद बोल्दा त्यहाँ उपस्थित दर्शकहरुबाट तालि अनि सिट्ठीको आवाजहरु गुन्जिनै रहे । घाँसी नेपालले हमाललाइ मानार्थ सदस्यता समेत प्रदान गरिसकेको छ ।