२०१७ को दर्शकहरुलाई शुभकामना सहित चलचित्र “किङ” परिवारले गर्यो साथीभाई भेटघाट कार्यक्रम

मनोरंजनसंसार डटकम
पुस २८ गते देखि प्रदर्शनको लागि तयार भएको चलचित्र “किङ” ले शनिवार २०१७ को आगमनमा साथीभाई भेटघाट कार्यक्रम आयोजना गरेको छ | भेटघाट कार्यक्रममा चलचित्र “किङ” को सम्पूर्ण युनिटको उपस्थिति रहेको थियो | सबैको उपस्थितिले कार्यक्रमको माहोल निकै रोमान्चक बनेको थियो | यसै गरि उपस्थित सबैले निर्माण पक्षेलाई चलचित्रको सफलताको लागि शुभकामना समेत दिएका थिए |

यसरि एकै ठाउँमा आफ्नो चलचित्रको परिवारलाई समेट्न पाउदा आफु निकै खुशी रहेको कुरा निर्माता जयन श्रेष्ठले बताएका छन् | यसै गरि आफ्नो कार्यक्रममा समावेश भईदिनु भएकोमा उपस्थित सबैलाई उनले हृदय देखि नै धन्यवाद समेत ज्ञापन गरेका थिए | यस्तै चलचित्रको बिषयमा बोल्दै उनले अहिले आफु लगाएत आफ्नो युनिट चारैतिरबाट प्रोमोसनको लागि जुटिरहेको कुरा बताएका छन् |

चलचित्र निकै नै राम्रो बनेको र चलचित्रको कथा वस्तु र प्रस्तुतिको साथमा कलाकारहरुको फरक प्रस्तुतिले पनि दर्शकहरुलाई भरपुर मनोरंजन प्रदान गर्ने विश्वास उनले ब्यक्त गरेका छन् | यसै गरि आफ्नो चलचित्रले दर्शकहरुलाई निराश नबनाउने र दर्शकहरुले खोजेको र चाहेको कुराको पूर्ति गर्ने कुरा समेत उनले उल्लेख गरेका छन् |

जगन श्रेष्ठको प्रस्तुति रहेको चलचित्रमा निखिल उप्रेती , बेनिषा हमाल , अनुप विक्रम शाही , रुप राना , जगन श्रेष्ठ , प्रज्वल सुजल गिरि लगाएतका कलाकारहरुको मुख्य भूमिका रहेको छ | चलचित्रमा बसन्त सापकोटा , दिनेश सुनाम र सुजेन्द्र डी. कार्कीको संगीत , रोशन श्रेष्ठको द्वन्द र रामजी लामिछानेको नृत्य निर्देशन रहेको छ | चलचित्रलाई लेखन तथा निर्देशन गर्ने काम भने शबिर श्रेष्ठले गरेका छन् | चलचित्रको काठमाडौँ उपत्यका भित्रको बजार वितरकको जिम्मा काफिया फिल्म्स अन्तर्गत गोबिन्द शाहीले लिनु भएको छ भने काठमाडौँ उपत्यका बाहिरको जिम्मा डिसियनले गरेको छ |
हेर्नुस ट्रेलर :