दर्शक श्रोताहरुको लागि चाडै आफ्नो नया लिम्बु गीत लिएर आउदै गायक सुसन साम्सोहाङ लिम्बु

मनोरंजनसंसार डटकम
नेपाली गीत संगीतको बजार व्यवस्थापन अहिले निकै राम्रो हिसाबले अगाडी बढेता पनि यो बेलामा समेत अधिकांश कलाकारहरुले आफ्नो सांगीतिक यात्रालाई अगाडी निरन्तरता दिन सकेका छैनन | तर यसको अर्थ सबै कलाकारहरुले आफ्नो यात्रालाई बिश्राम दिएका भने होइनन | अहिले पनि धेरै नयाको साथमा पुराना कलाकारहरुले पनि आफ्नो सांगीतिक यात्रालाई अग्रसर रुपमा अगाडी बढाईरहेका छन् | यस्तै एक कलाकार हुन् गायक सुसन साम्सोहाङ लिम्बु |

बिगत लामो समय देखि नेपाली सांगीतिक क्षत्रमा आफ्नो योगदान दिदै आइरहेका गायक हुन् सुसन साम्सोहाङ लिम्बु | उनले आफ्नो जीवनको धेरै समय नेपाली गीत संगीतमा खर्चेका छन् | यो हिसाबले दर्शक श्रोता माझ पनि उनको छुट्टै किसिमको पहिचान रहेको छ | उनले आफ्नो सांगीतिक यात्रालाई आजको दिन सम्म पनि निरन्तरता दिन सफल भएका छन् | बदलिदो समयको परिवेश संगै आफ्नो आफ्नो प्रस्तुतिमा पनि परिवर्तनका धेरै कुराहरु लिएर आएका छन् | उनले अहिलेको दर्शक श्रोताहरुको टेस्टलाई मध्य नजर गरेर आफ्नो प्रस्तुति बाहिर लिएर आउने प्रयास गरिरहेका छन् |


उनि नेपाली गीत मात्र नभएर आफ्नो भाषिक लिम्बु गीतहरुमा पनि आफ्नो सक्रियेता निकै अब्बल रुपमा जनाईरहेका छन् | यसै गरि उनको अब चाडै नै नया लिम्बु गीत बाहिर सार्वजनिक हुने तयारीमा रहेको छ | रचनाकार यासेली योङहाङको शब्द अनि अशोक लोहारुङ राईको संगीतमा सजिएको “फुङवाम नुमा फुङवाम” बोलको गीतमा उनले आफ्नो सुमधुर स्वर भरेका छन् | यस्तै उनलाई यस गीतमा गायिका मन्जु साम्बाहाम्फेले स्वरमा साथ् दिएकी छिन् | गीतको म्युजिक भिडियो पनि निकै राम्रो बनेको छ जसको भर्खरै मात्र छायांकन पुरा भएको छ | निर्देशक युगल पोमोको निर्देशनमा तयार भएको म्युजिक भिडियोमा मोडल सबिन तुम्बाहाम्फे र सानु नेम्वाङले उत्कृष्ट अभिनय प्रस्तुत गरेका छन् |

गायक सुसन साम्सोहाङ लिम्बुको अनुसार यस गीतको म्युजिक भिडियो अब चाडै नै सार्वजनिक हुनेछ | त्यस्तै उनले यस अलावा अरु नया गीतको कामहरु पनि अहिले गरिरहेका छन् | दर्शक श्रोताहरुको लागि आफ्नो तर्फबाट धेरै राम्रा राम्रा गीतहरु बाहिर आउने तयारी अवस्थामा रहेको कुरा उनले बताएका छन् | दर्शकहरुले आफुलाई दिएको माया अनि साथको लागि उनले सबैलाई आफ्नो तर्फबाट धन्यवाद समेत ज्ञापन गरेका छन् | त्यस्तै उनले जे जस्तो परिस्थिति आएता पनि आफ्नो सांगीतिक यात्रालाई भने पूर्ण बिराम कहिले पनि नदिने प्रतिबध्ता उनले जाहेर गरेका छन् | आफ्नो गीतलाई सुनेर हेरेर आफ्नो प्रतिक्रिया जस्ताको त्यस्तै राखिदिनु र सधैब नेपाली गीत संगीतलाई माया गरिदिनुहुन समस्त दर्शक श्रोताहरु माझ उनले आफ्नो बिन्ति बिसाएका छन् |