एक पछि अर्को प्रस्तुतिको साथमा दर्शकहरुको माझमा आउने तयारी गर्दै रचनाकार मोहन मगर

मनोरंजनसंसार डटकम
नेपाली गीत संगीतको बढ्दो विकास संगै अहिले यसको स्तर देखि सबै जसो कुरामा परिवर्तनको संकेत देखिसकेको छ | यहि अन्तरलमा अहिले अधिक धेरै व्यक्तिहरुको नेपाली गीत संगीत प्रति माया मोह बढेर आएको देखिन्छ | यस हिसाबमा नव कलाकारहरुको जन्म हुने क्रम पनि निकै तिब्र नै छ | तर यो बिचमा पनि कति कलाकारहरु केहि कुरा सिकेर जानेर केहि गर्छु यस क्षत्रमा भनेर लागिपरेको देखिन्छ भने कति आफ्नो रहर पुराउन मात्र पनि यस क्षत्रमा रहेका भेटिएका छन् | रहर पुराउनेहरु त केहि दिनमै हराएर गएका पनि छन् तर वास्तवमै केहि गर्छु केहि नया कुरा दर्शक श्रोताहरुलाई दिन्छु भनेर मेहेनतको साथमा लागिपर्ने व्यक्तिहरुको पनि हामी संग लामो सुची रहेको छ | यहि सुची भित्र पर्न सफल एउटा नाम हो रचनाकार मोहन मगर | अहिले यत्तिकै पनि हामीले हेर्ने हो भने देशमा रहेका भन्दा बिदेशमा रहेका धेरै कलाकारहरु नेपाली गीत संगीतमा सक्रिय भएर लागेको देखिन्छ | यसै एक उदहारण हुन् गीतकार मोहन मगर | उनि हाल परिश्रमको लागि साउदी अरबमा रहेका छन् जहाँ उनले रगत पसिना बगाएर काम गर्नुपर्ने हुन्छ तर त्यसको साथसाथै पनि निरन्तर रुपमा नेपाली गीत संगीतमा आफ्नो कलम चलाईनै रहेका छन् | उनि बिगत लामो समय देखि नेपाली गीत संगीतमा राम्रो संग बिझेका व्यक्ति हुन् | उनले थुप्रै आफ्ना रचनाहरु सम्प्रेष्ण गर्ने काम पनि गरिसकेका छन् |

केहि समय अगाडी मात्र उनले अब चाडै नै आफ्नो नया एल्बम दर्शक श्रोताहरुको माझमा लिएर आउने जानकारी गराएका थिए | उनको त्यस एल्बमको लागि अहिले धमाधम काम पनि चलिरहेको छ | सबै खालका गीत संगीतहरु समावेश रहने त्यस एल्बम सबै बर्गको लागि नै तयार गरिएको कुरा पनि उनले बताएका थिए | त्यस्तै लामो समयको विदेश बसाईले भोगेको कुराहरुको बेदना र लामो समय देखिको गीत संगीत प्रतिको लगाव र अनुभवका सबै कुराहरु आफ्ना रचनाहरुमा आफुले समावेश गरेको कुरा पनि उनले उल्लेख गरेका छन् | त्यस्तै अब उनको रचनाहरु अरुको गितीसंग्रहमा समेत समावेश हुने भएको छ | उनको अनुसार अर्का नव कलाकार लक्षण सफर राईको एल्बममा उनका ३ वटा रचनाहरु समावेश हुने पक्का पक्कि भएको छ | उनको ति सुन्दर रचनाहरुले अब सहि गन्तव्य भेट्ने कुरा पनि निश्चित भएको छ | नेपाली दर्शक श्रोताहरुको टेस्टलाई आफुले बुझेको र त्यहि कुरालाई मध्य नजर गरेर नै आफुले आफ्नो रचनाहरुको निर्माण गरेको बताएका छन् |

अबको केहि समयमा नै दर्शकहरुको माझमा नया र पृथक प्रस्तुतिको साथमा उपस्थित हुने प्रतिबद्धता पनि उनले जाहेर गरेका छन् | आफुले बटुलेको लामो समयको अनुभवको आधारमा राम्रो प्रस्तुति दर्शक श्रोताहरु सम्क्षे राख्ने प्रयास गरेको र त्यसलाई सबैले आत्मसाथ गरिदिनु हुन्छ भन्ने विश्वास आफुले राखेको कुरा उनले बताए | यसका साथै उनले आफ्नो प्रस्तुतिलाई हेरेर सुनेर आफ्नो प्रतिक्रिया जस्ताका त्यस्तै आफुलाई प्रदान गरिदिनु हुन पनि नेपाली दर्शक श्रोताहरुलाई बिनम्र अनुरोध गरेका छन् |