माया प्रेम र पारिवारिक कथाको मिश्रणको साथमा “दर्पण छाँया २” को टिजर सार्वजनिक

मनोरंजनसंसार डटकम
केहि समय अगाडी मात्र निर्माण घोषणा गरेर फ्लोरमा गएको चलचित्र “दर्पण छाँया २” ले आफ्नो पहिलो पोस्टर तथा टिजर सार्वजनिक गरेको छ | धेरै बर्ष अगाडी निर्माण भएको चलचित्र “दर्पण छाँया” को सिक्वेलको रुपमा तयार भएको यस चलचित्रका निर्देशन पनि उही पुराना निर्देशक तुलसी घिमिरेले नै गरेका छन् | चलचित्रको नामकरणको हिसाबमा पुरानो “दर्पण छाँया” को सिक्वेल जस्तो भान भएता पनि चलचित्र भने नया शैलीमा तयार भएको उनले बताएका छन् |
चलचित्रमा समावेश कथा वस्तु देखि लिएर सबै कुरामा नया कुराको मिश्रण रहेको कुरा निर्माण पक्षेले दाबी गरेको छ | चलचित्र एक किसिमले संगीत मय रहेको कुरा पनि निर्माण पक्षेले उल्लेख गरेको छ | चलचित्रको सार्वजनिक टिजरमा चलचित्र माया प्रेमको साथमा पारिवारिक कथा भित्र बाधिएको महसुस हुन आउदछ | दर्शकहरुको टेस्टलाई बुझेर र अहिलेको युवा पिडिको चाहनालाई मध्य नजरमा राखेर चलचित्रको निर्माण गरिएको निर्देशक तुलसी घिमिरेले बताउनु भएको छ |

सहारा फिल्म्स प्रोडक्सनको प्रस्तुति रहेको चलचित्रमा पुष्पल , सहारा , श्रद्धा प्रसाई , फिरोज तिमिल्सिना , शेर बहादुर गुरुङ , जीवन आचार्य , सुमन घिमिरे , तुफान घले , रोशी केसी , सरिना पौडेल लगाएतका कलाकारहरुको अभिनय रहेको छ | चलचित्रका निर्माता तर्फ सबु गदाल कार्की र रवि कार्की रहेका छन् | चलचित्रका लेखन तथा निर्देशन तुलसी घिमिरेले गरेका छन् |
चलचित्रले फाल्गुन २७ गतेको लागि आफ्नो प्रदर्शन मिति तय गरेको छ |
हेर्नुस टिजर :