मनोरंजनसंसार डटकम
आज शुक्रबार अर्थात् असोज ७ गतेबाट देशभरको सम्पूर्ण हलहरुबाट एकैसाथ प्रदर्शन सुरु गरेको चलचित्र “झुम्की” ले हिजो साझ सिटी सेन्टर स्थित बिग मुवीमा भब्य र सभ्य रुपमा आफ्नो प्रिमिएर सम्पन्न गरेको छ | आयोजित प्रिमिएर कार्यक्रममा सम्पूर्ण पत्रकार देखि कलाकारकर्मीहरुको बाक्लो उपस्थिथि देखियो | कार्यक्रममा चलचित्रकी नायिका रिश्मा गुरुङ बाहेक सबै चलचित्रमा अभिनित सबै कलाकारहरुको सहभागिता रहेको थियो | कार्यक्रममा नायक दयाहाङ्ग राई आफ्नो परिवारसंग उपस्थित भएका थिए | त्यस्तै चलचित्रको मुख्य पात्र नायिका मलिन जोशीमा निकै सुन्दर रुपमा कार्यक्रममा उपस्थित भएकी थिइन् | चलचित्र हेरिसकेपछि सम्पूर्ण उपस्थित व्यक्तिहरुले चलचित्रको खुलेर प्रशंसा गरेका थिए | चलचित्र अत्ति नै राम्रो बनेको र पूर्ण रुपमा इन्टरटेनिङ्ग रहेको सबैको मुखबाट सुनियो | त्यसै गरि निकै उत्कृष्ट चलचित्र बनाएको हुनाले उपस्थित सबैले निर्देशक अपिल बिष्टलाई धन्यवाद समेत ज्ञापन गरेका थिए | त्यस्तै चलचित्रमा सबैको अभिनय निकै अब्बल रहेको खुलासा गर्दै चलचित्रको कलाकारहरुलाई पनि सबैले बधाई दिएका थिए |
अपिल बिष्ट फिल्म्स प्रोडकसन र सिनेमा आर्टको प्रस्तुति रहेको चलचित्र “झुम्की” को कथा पटकथा लेख्ने काम निर्देशक तथा लेखक राम बाबु गुरुङले गरेका हुन् | पेशाले चलचित्र निर्देशक भएपनि उनले आफुलाई सफल लेखकको रुपमा समेत सबै माझमा स्थापित गरिसकेका छन् | “कबड्डी” र “कबड्डी कबड्डी” जस्ता सुपरहिट चलचित्रको परिकल्पना पनि उनले नै गरेका हुन् जुन चलचित्र कहिले नमेटिने गरि नेपाली दर्शकहरुको मनमा गहिरो छाप बनेर बसिसकेको छ | उनले लेखेको यो चलचित्र “झुम्की” मा देशको पुरानो घटनाको नेपाली जनताले कहिले नबिर्सने यतार्थलाई उनले निकै उत्कृष्ट रुपमा प्रस्तुत गर्ने प्रयास गरेका छन् र उनि सफल पनि भएका छन् |
चलचित्रमा समावेश त्यो पुरानो कथा बस्तु पनि अहिले मान्छेको मनको उत्सुकता बनेको छ | चलचित्रले कुनै पनि पल दर्शकहरुको ध्यान भटकिन दिनेछैन | चलचित्रमा नेपालको त्यो १० बर्ष जनयुद्धको कथालाई दाङ्ग जिल्लाको समाज परिवेशको समयलाई केन्द्रित गरेर निकै नै राम्रो प्याकेज तयार गरिएको छ | चलचित्रमा हाँसो , रोदन , एक्सन र रोमान्सको निकै मिठो मिश्रण रहेको छ | राम बाबुको त्यो सुन्दर परिकलापनको कथामा निर्देशक अपिल बिष्टले पूर्ण रुपमा न्याय गर्ने प्रयास गरेका छन् | चलचित्रको कथा बस्तु र प्रस्तुति नै यस चलचित्रको मुख्य र महत्वोपूर्ण पाटो हो जसले सम्पूर्ण दर्शकहरुलाई बाधेर राख्न सक्दछ |
चलचित्रमा नायक दयाहाङ्ग राई , रिश्मा गुरुङ , निश्चल बस्नेत , मनोज आर.सी , भोलाराज सापकोटा , प्रमोद अग्रहारी , रबिन्द्र सिंह बानिया , सुष्मिता कार्की , प्रेम वर्षा खड्का र मलिना जोशी लगाएतका कलाकारहरुको मुख्य भूमिका देख्न सकिन्छ | त्यसै गरि चलचित्रमा निमेष श्रेष्ठको सम्पादन र शैलेन्द्रध्वज कार्कीको छायांकन रहेको छ | चलचित्रमा कालीप्रसाद बास्कोटा र हेमन्त रानाको संगीत समावेश रहेको छ | चलचित्रको बजार वितरकको जिम्मा गोबिन्द शाहीलेले लिनु भएको छ | हिजो सम्पन्न प्रिमिएर पछि र उपस्थित व्यक्तिहरुको निकै राम्रो प्रतिक्रिया पछि यस चलचित्रले सम्पूर्ण दर्शकहरुको मन जित्ने र राम्रो व्यापार गर्ने विश्वास उहाले व्यक्त गर्नुभएको छ |
हेर्नुस ट्रेलर :
