नायिका झरना थापाको डेब्यु निर्देशनमा “ए मेरो हजुर” को पहिलो तस्बिर सार्वजनिक

मनोरंजनसंसार डटकम
एस के थापा प्रोडक्शनको व्यानरमा निर्माण हुन लागेको चलचित्र “ए मेरो हजुर” को पहिलो तस्बिर सार्वजनिक भएको छ जसमा छ नायिका साम्राज्ञलक्ष्मी शाह निकै नै आकर्षक हिसाबले प्रस्तुत गरिएको छ | समावेश तस्बिरमा नायिका साम्राज्ञलक्ष्मी शाहलाई नेवारीको पहिरनमा देख्न सकिन्छ | प्रस्तुत तस्बिर कुनै गीतको रहेको अनुमान लगाउन सकिन्छ |
चलचित्रलाई नायिका झरना थापाले निर्देशन गर्दैछिन भने चलचित्रका निर्माता स्वयम उनको श्रीमान सुनिल कुमार थापा रहेका छन् | चलचित्रको अहिले काठमाडौँ उपत्यका भित्र धमाधम शुटिंग भैरहेको छ |
चलचित्रमा नायिका साम्राज्ञलक्ष्मी शाह संग नव नायक सलिन मान बानिया देखिदैछन् | निकै नै क्युट र आकर्षक लूक्स भएका सलिन यस क्षत्रमा भने बिल्कुलै नया रहेका छन् | म्यानेज्मेन्टमा विधार्थी सलिन काठमाडौं न्यूरोडका स्थानिय बासिन्दा हुन् भने उनि नृत्यमा पोख्त रहेको बताईन्छ ।

चलचित्रमा साम्राज्ञलक्ष्मी शाह र सलिन मान बानिया संगै सलोन बस्नेत , बुद्धि तामाङ, अनुभव रेग्मी लगाएतका कलाकारहरुको अभिनय रहेको कुरा जानकारीमा आएको छ | चलचित्रको काठमाडौँ उपत्यका भित्रको बजार वितरकको जिम्मा गोबिन्द शाहीले लिनुभएको छ भने उपत्यका बाहिरको बजार वितरकको जिम्मा केदार प्रसाद पराजुलीले लिनुभएको छ |