चर्चित गाएक सुसन साम्सोहाङ लिम्बुको “सोल्टिनी” सार्वजनिक , बदलिदो नेपाली गीत संगीतमा नया आयाम

मनोरंजनसंसार डटकम

ताप्लेजुंग जन्म भएर १४ वर्षअघि नै धरानमा संगीतकर्मी ओमप्रकाश राईसंग संगीतको औपचारिक प्रशिक्षण लिएर सांगीतिक क्षेत्रमा उदाएका गायक सुसन साम्सोहाङ लिम्बुले दोश्रो एल्बम ‘सोल्टिनी’ बजारमा लिएर आएका छन् l गायक राजेशपायल राई, संगीतकार राजु सिंह, गायक सत्यराज आचार्य, व्यंग्यकार मनोज गजुरेल तथा एमाले नेता योगेश भट्टराईले एल्बम ‘सोल्टिनी’ को विमोचन गरेका छन् ।

तीन वर्षअघि पहिलो एल्बम ‘सुसन’ मार्फत नेपाली सांगीतिक क्षेत्रमा डेब्यू गरेका सुसनको ‘सोल्टिनी’ एल्बममा पाँच वटा गीत समावेश रहेका छन् । एल्बमका गीतहरुमा हरी लम्साल, उत्तमराज लिम्बु, खेमराज गुरुङ, विक्रम थापा तथा उनि स्वयमको संगीत रहेको छ भने नरेश भट्टराई, उत्तमजंग थापा, खेमराज गुरुङ, सन्तोष मादेन तथा रमेश अधिकारीले एल्बमका गीतहरु रचना गरेका हुन् । एल्बममा समाबेश सम्पूर्ण गीत निकै नै राम्रो र सुमधुर रहेको र यसले सबैको मन छुने विश्वास गाएक सुसन साम्सोहाङ लिम्बु ब्यक्त गर्नु भएको छ | नेपाली गीत संगीतको बदलिदो अवस्थामा एक किसिमको नया आयाम थप्ने काम यस एल्बमले गर्ने कुरा पनि उनले उल्लेख गरेका छन् |

एल्बममा ‘सोल्टिनी’, ‘गाँसौं आज…’, ‘यो मीठो’, ‘बैंशको बेलामा’ तथा ‘हिमाल राम्रो’ शीर्षकका गीत समावेश छन् भने समारोहमा एल्बमको शीर्षक गीत ‘सोल्टिनी’ को म्युजिक भिडियो प्रिमियर गरिएको थियो।

गायक सुसन लिम्बु भाषाका गीतहरुका लोकप्रिय गायक समेत हुन् । प्रमुख अतिथिको रुपमा गायक राजेशपायल राईले पनि गायक सुसनको गायनको प्रशंसा गर्दै थप मेहनत गर्ने सुझाव दिए । त्यस्तै चर्चित हास्य कलाकार मनोज गजुरेल तथा नेता योगेश भट्टराईले उनलाई एल्बमका गीतहरुको सफलताको शुभकामना दिए ।

एल्बम ‘सोल्टिनी’ लाई रुबुशा क्रिएसन वक्र्सले बजार व्यवस्थापन गरेको छ ।

हेर्नुस गीत :