बलिउड र कलिउड झुमे संगसंगै

शनिबार राजधानीमा भएको अमरपंक्षी कार्यक्रम धेरै कारणले चर्चामा छ । सैनिक मञ्चमा भारतीय हिरोइनहरुलाई नचाइएको भनेर आलोचना हुनेदेखि यसमै सहभागी हुन आएकी बलिउड हिरोइन सोनाक्षी सिन्हाको स्वागतमा जर्नेल पुगेकासम्म कुराले यसलाई विवादमा पनि ल्याएको छ ।


सैनिक श्रीमती संघले भूकम्पपीडितको सहयोगार्थ आयोजना गरेको यो कार्यक्रममा बलिउड हिरोइनहरु सिन्हा र मलाइका अरोरासँगै नेपाली हिरोइनहरुले पनि आफ्नो प्रस्तुति दिए । रेखा थापा, निशा अधिकारी, ऋचा शर्मा, प्रियंका कार्की, केकी अधिकारी र गायिका इन्दिरा जोशीले पनि यो कार्यक्रममा नृत्य गरेका थिए ।