निखिलको दोश्रो कमब्याक ‘लुटेरा’बाट ठुलो आशा

रिलिजको पुर्ब सन्ध्यामा राजधानीमा सोमबार सिनेमा लुटेराको प्रेस मिटको आयोजना गरिएको छ । अभिनेता निखिल उप्रेती अभिनित पछिल्लो सिनेमा ‘भैरब’को ब्यापारीक सफलता पछि अहिले यो सिनेमालाई समेत चासोका साथ हेरिएको छ ।
सिनेमामा एक्सन स्टार निखिल उप्रेतीको प्रमुख भूमिका रहेको छ, यसअघिको सिनेमा भैरब सफल भएकाले यो सिनेमा पनि सफल हुने सम्भावना निकै छ । उनले नेपाली फिल्मलाई माया गरिदिन दर्शकलाई अनुरोध गर्दै भने ‘अलिनै भएपनि आफ्नै नेपाली खाना खाउँ । फोहोरी सिंगाने भाई भएपनि सिंगान पुछैं, तर हाम्रो फिल्मलाई आत्मसाथ गरौं । नेपाली फिल्मलाई माया गरौं ।’

निखीलको एक्सन र गीत-संगीतका कारण चर्चामा रहेको र राम्रो अनुभबी समुह संग काम गरेकाले फिल्म राम्रो बनेको दाबी गर्दै ‘राम्रो फिल्मले राम्रो ब्यापार’ गर्ने निर्माता गोपाल कायस्थले दाबी गरे । साथै लामो समय पछि निशा अधिकारी यसै चलचित्र मार्फत पर्दामा देखा पर्दैछिन् यसकारण उनको लागि पनि यो फिल्म बिषेश छ र उनि आशाबादी पनि ।
सिनेमालाई कुनै समय हिट सिनेमाहरु निर्देशन गरेका निर्देशक दयाराम दाहालले निर्देशन गरेका हुन् । सिनेमामा सबिन श्रेष्ठ ,हर्षिका श्रेष्ठ र अनुभव रेग्मीको समेत मुख्य भुमिका छ । उक्त प्रेसमीटमा सिनेमा युनिट,कलाकार, सिनेकर्मी,संचारकर्मी सहित केहि नेता समेत सहभागी थिए । कार्यक्रममा यस अघिनै सार्बजनिक गरिएका फिल्मको ट्रेलर तथा तीन गीत देखाईयो ।