केहि दिन अगाडी मात्र करिब २० बर्षपछि बलिउडको सुपरहिट फिल्म ‘दिलवाले दुल्हनियां ले जाएंगे’ चलचित्रहलबाट उत्रिएको खबर बाहिर आएपनि मुम्बईको एक मराठा मन्दिरमा चलचित्र दिलवाले दुल्हनियां ले जाएंगे नउत्रने भएको छ । यसै चलचित्र हलमा लगातार १००९ हप्तासम्म चलेको यो चलचित्र हल संञ्चालकले १९ फेब्रुअरीमा अचानाक अब नचलाउने घोषणा गरेका थिए । यो खवरबाट निराश भएका दर्शकहरुले हल संचलकलाई फोन , म्यासेज र सामाजिक संजालबाट चलचित्र नहटाउन लगातार आग्रह गरेपछि पुन चलचित्रलाई निरन्तरता दिईने भएको हो । बलिउडमा यो चलचित्रलाई अहिलेसम्मकै दर्शकले अत्याधिक रुचाएको चलचित्र मनिन्छ ।
शाहरुख खान र काजोलको मुख्य भूमिका रहेको यो चलचित्र १९९५ मा रिलिज भएको थियो । रिलिज भएकै दिनदेखि अहिलेसम्म यो चलचित्र मराठा मन्दिरमा निरन्तर चलिरहेको छ । नौ हप्ता पहिले चलचित्र प्रदर्शनको हजार हप्ता पुगेको अवशरमा बिषेस कार्यक्रको आयोजना पनि गरिएको थियो । मराठा चलचित्र मन्दिरको व्यवस्थापन पक्षले यो फिल्म दर्शक हाउसफुल हुन्जेल नहटाउने अडान लिएको थियो । यो फिल्मलार्इ यशराज फिल्म्स र मराठा चलचित्र मन्दिर दुबैपक्षको सहमतिमा हटाउने निर्णय भएपछि चलचित्र एक मराठा मन्दिरबाट उत्रिएपनि दर्शकको माग र इच्छाका कारण चलचित्र पुन प्रदर्शनमा आएको बताइएको छ । चलचित्रलाई आदित्य चोपडाले निर्देशन गरेका हुन् ।