आगामी शुक्रबार अर्थात फाल्गुन ८ देखि देशब्यापी रिलिज हुन लागेको चलचित्र इच्छाले सोमबार साँझ प्रिमियर शोको आयोजना गरेको छ । मुनाल घिमिरेको निर्देशन रहेको चलचित्र हेरेका चलचित्रकर्मी र पत्रकारहरुले चलचित्र राम्रो रहेको प्रतिक्रिया दिए । मुनाल घिमिरे पनि चलचित्रले पाएको सकरात्मक प्रतिक्रियाले निक्कै उत्साहित देखिए । चलचित्रको कथा देखि कलाकारको काम अनि निर्देशन पक्ष सबैले रुचाएको मुननाले बताए । त्ययस्तै चलचित्रको छायांकन सकेर हरराएकी नायिका दिपशिखा शाही पनि चलचित्रको प्रिमिययर शोमा देखिएकी थिइन ।
प्रिमियरमा चलचित्रका नायक सुवास थापा, निर्देशक मुनाल घिमिरे लगायतको जम्बो यूनिटसगैं निर्देशक तथा कलाकार निर्मल शर्मा, नायिका पूजना स्त्रि, निर्देशक योगेश घिमिरे, निर्माता केशव भट्टराई पनि ‘इच्छा’को प्रिमियर उपस्थित थिए । तर चलचित्रका अर्का नायक दयाहाङ् राई भने व्यस्तताको कारण प्रिमियरमा सहभागी भएनन् । नायक सुवास थापाले आफ्नै चलचित्र ‘इच्छा’ हेरेपछि आफ्नो भुमिका आँफैलाई मन परेको बताए । दयाहाङ् राई, सुवास थापा, दिपशिखा शाहि, ओम प्रतिक, देशभक्त खनाल, श्याम राई, आकास पल, आयुष्मा कार्की, रश्मी भट्ट लगाएतका कलाकारहरुको अभिनय रहेको ‘इच्छा’मा रोम ओली, नविन श्रेष्ठ, प्रकाश घिमिरे र लक्ष्मण पौडेलको लगानी रहेको छ । बिवाह करकापमा होईन स्वेच्छामा हुनुपर्छ भन्ने कुरा देखाउन खोजिएको यस चलचित्रमा गंभिर बिष्टको नृत्य, रोशन श्रेष्ठको द्वन्द्व तथा प्रकाश घिमिरेको लेखन रहेको छ ।