Sun. Jan 23rd, 2022

प्रदर्शनमा आएको एकहप्ता सम्मपनि चलचित्रहरु हलहरुमा टिक्न मुस्किल परिरहेको अबस्थामा पुष २५ गते अरु दुई चलचित्रसँग एकसाथ प्रदर्शनमा आएको चलचित्र आभाष आजबाट तेस्रो हप्तामा प्रवेश गरेको छ । प्रदर्शनमा आएको पहिलो हप्तामा नै आफ्नो लगानी सुरक्षित गरेर आभाषले दोस्रो हप्तामा करोडको व्यापार गरेको थियो । चलचित्रले हालसम्म करिब डेढ करोड भन्दा माथिको व्यापार गरिसकेको स्रोतले बताएको छ ।

चलचित्र तेस्रो हप्तामा प्रवेश गरेपनि काठमाडौंका मल्टिप्लेक्स हल देखी अन्य हलहरु र उपत्यका बाहिरका विभिन्न हलहरुमा चलचित्र आभाष प्रदर्शन भइरहेको चलचित्रका निमाता गोविन्द शाहीले बताएका छन् । चलचित्र प्रदर्शनमा आउँदा जतिवटा हलहरुमा आभाष प्रदर्शन भएको थियो हालसम्म कुनै पनि चलचित्रहलबाट आभाष नउत्रिएको निर्माता शाहीले बताए ।

aavas

अहिलेसम्म नेपाली चलचित्र नहेरेका दर्शकले आभाष हेर्न आएको जानकारी दिदैं कलाकार संयम पुरीले आभाषले दर्शकको मनजित्न सफल भएको दाबी गरे । यूवा पुस्तालाई लक्षित गरेर निर्माण गरिएको चलचित्र आभाषले यूवाबर्गको मात्र नभएर बच्चा देखी वृद्ध वृद्धासम्मको मनजितेको कलाकार संयमले जानकारी दिए ।

आभाषले सफलताका साथ तेस्रो हप्ता प्रवेश गरेपछि यति बेला धेरैले आभाषले ५१ दिन मनाउन सफल हुने अड्कल काटेका छन् । अहिले सम्म प्रदर्शनमा आएका सम्पुर्ण हल हाउसफुल भएका कारण चलचित्रले ५१ दिन मनाउन सफल हुने निर्माता शाहीले पनि जानकारी दिएका छन् । चलचित्र आभाषमा संयम पुरी,सलोन बस्नेत,आष्मा डिसी,निशा अधिकारी,प्रकृति श्रेष्ठ,गोविन्द शाही,सुनिल रावल लगायतका कलाकारहरुले चलचित्रमा अभिनय गरेका छन्प । पवन श्रेष्ठ, गोविन्द शाही र दिपक शाहीको लगानी रहेको चलचित्र आभाषलाई सुरेन्द्र पौडेलले निर्देशन गरेका हुन् ।