पुष २५ गते अर्थात हिजोबाट अलनेपाल रिलिज भएको चलचित्र आभाषले प्रदर्शनमा आएको दिन देखी आज शनिबार पनि देशभरका सम्पुर्णहलहरुमा हाउसफुल गरेको चलचित्रका निर्माता गोविन्द शाहीले जानकारी दिएका छन् । आज काठमाडौंका विभिन्न हलहरुमा निरिक्षण गर्दा आफुले सम्पुर्णहलहरु हाउसफुल रहेको जानकारी दिदैं निर्माता शाहीले काठमाडौं बाहिरका हलहरु पनि हाउसफुल रहेको बताए ।
सायद र होस्टेल जस्तो व्यबसायिक सफल चचित्रका कलाकार संयम पुरी,सलोन बस्नेत,प्रकृति श्रेष्ठ,निशा अधिकारी,आष्मा डिसी लगायतका कलाकरको मुख्य भुमिका रहेको चलचित्रलाई सुरेन्द्र पौडेलले निर्देशन गरेका हुन् ।
युवा पुस्तालाई लक्षित गरेर निर्माण गरिएको चलचित्र आभाषले हलमा पनि बढि मात्रामा युवाबर्गका दर्शकलाई नै भित्राउन सफल भएको छ । क्रियटिभ फिल्म एण्ड ग्लोसी पिक्चर्सको प्रस्तुतिमा निर्माण भएको चलचित्र ‘आभाष’ लाई युवा निर्देशक सुरेन्द्र पौडेलले निर्देशन गरेका हुन् ।
पवन श्रेष्ठ,गोविन्द शाही र दिपक शाहीको लगानीमा निर्माण भएको चलचित्र आभाषले प्रेममा हुने विछोड र आकर्षणलाई पर्दामा उतारेको छ । खबरका अनुसार चलचित्र आभाषले अरु चलचित्रको तुलनामा पनि निकै राम्रो व्यापार गरिरहेको छ । तथास्तु र अलबिदासँग एकसाथ प्रदर्शनमा आएको चलचित्र आभाष नेपालका करिब ६५ वटाहलहरुमा प्रदर्शन भईरहेको छ ।