Wed. Dec 7th, 2022

असोज ३१ गते अलनेपाल रिलिजको पुर्व तयारीमा रहेको बखत सेन्सर बोर्डले चलचित्र प्रदर्शनमा रोक लगाएपछि यति बेला आगो २ का चलचित्र युनिट निकै आक्रोशित बनेको छ । केहि दिन अगाडी मात्र चलचित्रका निर्माताहरुले एक प्रेस विज्ञप्ती जारी गर्दै आफुहरुलाई बारबार सेन्सर बोर्डले दुख दिने काम गरेको भन्दै आफुहरु अदालतको ढोका समेत ढकढकाउने बताएका थिए । सेन्सर बोर्डले बारम्बार बोलाएर पनि समय नदिएपछि आफूहरुलाई ठूलो क्षती पुगेको भन्दै चलचित्र युनिटले आगो २ असोज ३१ गते प्रदर्शन नहुने बताएका थियो । तर सेन्सर बोर्डले नै आफुहरुलाई राजनितिकको घेरामा बाधेको बताउदै निर्माता किसन पोखरेलले अब सेन्सरलाई नै चुनौती दिदै आफुहरु मंसिर १२ गते चलचित्र आगो २ प्रदर्शन गर्न लागेको बताए ।

aago 2सेन्सर बोर्डले बारम्बार दुख दिएपछि आज राजधानीमा चलचित्र युनिटले पत्रकार सम्मेलन आयोजना गरि सेन्सर पास नभएपनि चलचित्र मंसिर १२ गते अलनेपाल रिलिज गर्ने घोषणा गरेको छ । राजनितिक दबाबका कारण सेन्सरले चलचित्र आगो २ प्रदर्शनमा रोक लगाएको आरोप लगाउदै चलचित्रका निर्माता किसन पोखरेलले अब आफुहरु बाध्य भएर मंसिर १२ गते चलचित्र प्रदर्शन गर्र्ने तयारीमा रहेको बताएका छन् । चलचित्र युनिटले गणतन्त्र आएपछि पनि सेन्सर बोर्डको दृष्टिकोणमा परिवर्तन हुन अहिले सम्म पनि नसकेको अरोप लगाएका छन् । सेन्सर पास नभई चलचित्र प्रदर्शन गर्न पाइदैनन् तर चलचित्र आगो २ युनिटले भने अब सेन्सर पास नभए पनि आगो २ मंसिर १२ गते प्रदर्शन गर्ने सेन्सर बोर्डलाई चुनौती दिएको छ । चलचित्र राम्रो सगँ नहेरी चलचित्र प्रदर्शनमा रोक लगाएको भन्दै चलचित्र युनिटले अब आफुहरु अदालतको ढोका समेत ढकढकाउने बताएको छ । पत्रकार सम्मेलनमा चलचित्रका नायक शुशिल क्षेत्री,वितरक गोपाल कायस्थ,निर्देशक मदन घिमिरे लगायतले सेन्सरले आगो २ लाई राजनितिक घेरामा गोलबन्द गराएर राखेको आरोप सेन्सर बोर्डलाई लगाएका छन् । मदन घिमिरेले निर्देशन गरेको चलचित्र ‘आगो २’ जनता र पत्रकारलाई नायक बनाएर निर्माण गरिएको चलचित्र युनिटले बताएको छ । चलचित्रलाई किसान पोखरेलले निर्माण गरेका हुन् । चलचित्र ‘आगो २’ मा सुशिल क्षेत्री,प्रिया रिजाल, सारिका घिमिरे लगायत कलाकारको मुख्य भुमिका रहेको छ ।