शुक्रबार बाट देशभर प्रदर्शनमा आएको चलचित्र ‘यो कथा हो तिम्रो मेरो’ ले यति बेला दर्शकको निकै राम्रो माया पाएको छ । कथा वस्तु निकै मार्मिक भएका कारण यति बेला चलचित्र ‘यो कथा हो तिम्रो मेरो’ ले दर्शक सगै व्यापारमा पनि निकै राम्रो फड्को मारेको छ । पछिल्लो समयमा केहि चलचित्रहरुमा अभिनय गरेपनि खासै चर्चामा नआएका नायक सुमन सिंह यस चलचित्रबाट भने फेरी दर्शकको आखाँमा बस्न सफल भएका छन् । चलचित्रका केहि दृश्यले दर्शकलाई भक्कानिने समेत बनाएको छ ।

चलचित्रमा सुमन सिंहको अभिनयलाई दर्शकले खुवै मन पराइएको बुझिएको छ । त्यस्तै चलचित्रकी नायिका रिश्ता बस्नेतको अभिनयलाई पनि दर्शकले मन पराएका छन् । सोहि मितिमा एकसाथ प्रदर्शनमा आएको चलचित्र उत्सवले भने सोचे अनुरुपको व्यापार नगरिरहेको स्रोतले बताएको छ ।  चलचित्र हेरेपनि दर्शकले राम्रो चलचित्र बनेको भन्दै तारिफ गरेपछि यति बेला चलचित्र युनिट निकै हौसिएको छ । सामाजिक प्रेमकथामा आधारित चलचित्र यो कथा हो तिम्रो मेरो मा सुमन सिंह, रवि कार्की, रिस्ता बस्नेत, गणेश उप्रेती, रुपा राना आदिको अभिनय रहेको छ। रमेश प्रजापति र अनिल हेक्काको लगानी रहेको फिल्ममा विकास चौधरीले संगीत दिएका छन्। चार गीत संग्रहित फिल्ममा दीपक लिम्बु, रजिना रिमाल, राजेशपायल राई, मनीषा पोखरेल, शिव परियार, प्रविशा अधिकारीको स्वर समेटिएको छ।