बलिउड चलचित्रकी सुपरस्टार नायिका कैटरीना कैफले चलचित्र ‘बैंग बैंग’ को एउटा गीतमा डिजाइनर गैविन मिगुललाई दुई वटा गाउन डिजाइन गर्नका लागी एक करोड भन्दा माथिको खर्च गरेकी छिन् । यस अगी यस डिजाइन अनीता श्रॉफले गरेकी थिइन तर सो डिजाइन निर्माता र निर्देशकलाई राम्रो नलागे पछि फेरी अर्को डिजाइन गरिएको हो ।
रातो र ओरेन्ज रंगको दुई वटा गाउन डिजाइन गर्न एक करोड भन्दा माथि लागेको थियो । निर्माता र निर्देशकलाई अनीता श्रॉफले डिजाइन गरेको गाउन राम्रो नलागे पछि कैटरीनाले नै गैविन मिगुललाई डिजाइन गराउन लगाएकी थिइन सो डिजाइन गरे बापत कैटरीनाले एक करोड भन्दा माथि तिरेकी छिन् । यति महंगो गाउन डिजाइन गर्न निर्माता तयार थिएनन् तर कैटरीनाले जिद्धि गरेपछि बाध्य भएर निर्माताले सो रकम तिरेका थिए ।
कैटरीना आफनो लुक्सका लागी कुनै पनि सम्झौता नगर्ने नायिकामा पर्छिन् । उनलाई मन परेको चिज कुनै पनि अबस्थामा पाउनै पर्छ त्यसैले पनि बलिउड चलचित्र मध्यकी एक जिद्धि नायिकाको रुपमा पनि कैटरीनालाई चिनिने गरिएको छ । चलचित्र ‘बैंग बैंग’मा कैटरीनाले ऋतिक रोशनको साथमा काम गरेकी छिन् । चलचित्रको फस्टलुक सार्वजनिक भइसकेको छ । चलचित्रको फस्टलुकले नै यति बेला बलिउडमा धमका मच्चाएको छ । चलचित्र ‘बैंग बैंग’लाई सिदार्थ आनन्दले निर्देशन गरेका छन् । चलचित्र बैंग बैंग’ अक्टुबर २ मा प्रदर्शन हुने भएको छ ।
Wed. Feb 5th, 2025
