Sun. Jan 23rd, 2022

चुनावमा सबैलाई राजनीति लाग्छ । अरू बेला राजनीतिको ‘र’देखि घृणा गर्नेहरू पनि चुनावी माहोलमा भने कसै न कसैको पक्षमा पुगेर राजनीतिमै होमिएका प्रशस्त उदाहरण पाइन्छन् । यो संविधासभाको चुनावमा सबैभन्दा धेरै राजनीतिक तातो घाम नेपाली कलाकारहरूको आङमा लाग्यो । उनीहरू हुल बाँधेरै दलमा प्रवेश गरे, समर्थन गरेको दललाई जिताउन मरिमेटे । चुनावम कहीँ कसैको पक्षमा नदेखिएकी अभिनेत्री रिमा विश्वकर्मालाई पनि राजनीति लागेको रहेछ । चुनावपछि भेटिएकी उनले भनिन्, ‘भविष्यमा म पनि राजनीति गर्छु ।’ चुनावकै बेला पार्टी प्रवेश गरेर चर्चामा आउने सतही राजनीति भने उनलाई मन परको रहेनछ । त्यसैले उनी आधारभूमि तयार गर्न पहिलेदेखि नै लाग्ने सुरमा छिन् । कुन पार्टीमा गएर राजनीति गर्ने त ? उनी अहिले नै त्यो सार्वजनिक गर्ने पक्षमा भने छैनन् ।