ब्रेकिङन्युजःसुटिङ स्थलबाटै ‘सुकुलगुन्डा’का कलाकार पक्राउ

सुटिङ भइरहेकै ठाउँबाट फिल्म ‘सुकुलगुन्डा’का कलाकारलाई प्रहरी पक्राउ गरेको छ । प्रहरीले फिल्मका लागि प्रहरी बनेका कलाकारलाई पक्राउ गरी बानेश्वरस्थित प्रहरी चौकीमा पु¥याएको निर्देशक मधुसुदन भट्टराईले बताएका छन् । पक्राउ पर्नेमा प्रहरीकै भूमिका गरिरहेका ५ जना कलाकार छन् । काँडाघारीस्थित प्रहरीचौकी नजिकै प्रहरीले चोरलाई लखेटिरहेको दृष्य खिच्ने क्रममा कलाकारसहित सुटिङ भ्यान पनि प्रहरीले नियन्त्रणमा लिएको बुझिएको छ । सुटिङ युनिटका अनुसार सक्कली प्रहरीले सुटिङ भइरहेको थाहा नपाएर फिल्मका लागि प्रहरी इन्सिपेक्टर बनेका रामचन्द्र अधिकारीलाई स्यालुट ठोकेका थिए । पछि यही विषयमा कुरा हुँदा जानकारी नै नदिइ सुटिङ गरिएको भन्दै प्रहरीले उनीहरुलाई नियन्त्रणमा लिएको बताइएको छ । निर्देशक मुधसुदनले भने, ‘हामीले चौकी नजिकै बिहानदेखि सुटिङ ग¥यौँ र अन्तिम सट लिन खोज्दा कलाकारलाई नियन्त्रणमा लिइयो ।’ प्रहरी नियन्त्रणमा प्रहरी इन्सिपेक्टर बनेका कलाकार अधिकारी, सइ बनेका मेम्बर लामालगायत ६ जन छन् । उनीहरुलाई छुटाउने प्रयास भइरहेको निर्देशकले बताए ।