विराटको पाखुरा समात्दैं जब अनुष्का देखिइन्…..

मनोरंजनसंसार डटकम | Sunday, March 29th, 2015

जारी आइसिसी विश्वकपको सेमिफाइनलमा भारतले अष्ट्रलियासँग हारेपछि भारतमा केही समर्थकले खेलाडीको चर्को आलोचना गरे। सबैभन्दा बढी उपकप्तान विराट कोहलीको आलोचन भयो। सेमिफाइनलमा उनले १३ बलमा जम्मा १ रन बनाएका थिए। आलोचना खेलाडीको मात्र भएन। रंगशालामै रहेकी बलिउड अभिनेत्री अनुष्का शर्माको पनि सामाजिक सञ्जालमा खिल्ली उडाइयो। कारण, अनुष्का र विराटको प्रेम सम्बन्ध थियो।

birat and anuska

बलिउडका कलाकार र भारतीय क्रिकेटका केही खेलाडीले अनुष्काको आलोचनाको राम्रो नभएको बताएका छन्। तर फ्यान र मिडियाले भने यो जोडीलाई पछ्याउन छोडेको छैन। अष्ट्रेलियाबाट भारत फर्किने क्रममा शनिबार यो जोडी हात समाउँदै चखेवाको जोडीजस्तै गरी मुम्बई बिमानस्थलमा देखियो । विमानस्थलबाट निस्कने बेला विराटले अनुष्काको हात समातेका थिए। पछि अनुष्काले विराटको पाखुरा समातेकी थिइन। अनुष्काले जतिसुकै आलोचना भएपनि आफूहरुको सम्बन्धमा कुनै फरक नपर्ने बताइसकेकी छन्।

Facebook Comments