मुकुन्द भट्टको निर्देशनमा फिल्म ‘एक्स ९ लेभल वन’ बन्ने

काठमाडाैँ । मुकुन्द भट्टको निर्देशनमा एक्शन फिल्म ‘‘एक्स ९ लेभल वन’ बन्ने भएको छ । निर्देशक भट्टले सामाजिक सञ्जालमा पोस्टर सेयर गर्दै उक्त फिल्म बन्न लागेको जानकारी दिएका हुन् ।
पोस्टरमा निर्देशक भट्टले फिल्मलाई नेपालकै सबैभन्दा ठूलो एक्सन थ्रीलर बताएका छन् ।
यो फिल्मका लागि अहिलेका लोकप्रीय मध्येका एक अनमोल केसी पनि सकारात्मक भएको बताइएको छ । यद्यपी निश्चित भने भइसकेको छैन् ।
विश्वको अगाडि नेपाली चलचित्रलाई उभ्याउनुपर्ने भन्दै मुकुन्दले महंगो बजेटको चलचित्र घोषणा गरेका हुन् । चलचित्रलाई यादवप्रसाद पाठकले निर्माण गर्नेछन् ।
भट्टकै निर्देशनमा तयार भएको ‘लप्पन छप्पन २’ कोरोना महामारीका कारण प्रदर्शन मिति कुरेर बसिरहेको छ । उक्त फिल्म पनि एक्शन थ्रीलर जनरमा नै बनेको हो ।