अभिनेता विपिन कार्कीको अभिनय रहने फिल्म ‘सेल्फी किङ’ को फर्स्ट लुक पोस्टर र प्रदर्शन मिति एकसाथ सार्वजनिक गरिएको छ । विशाल सापकोटाको डेब्यू निर्देशनमा निर्माण हुने सो फिल्म आगामी माघ २४ गतेबाट प्रदर्शनमा आउने भएको हो ।
सार्वजनिक भएको पोस्टरमा अभिनेता विपिनलाई फरक अवतारमा देख्न सकिन्छ । फिल्मले एक हास्य कलाकारले जीवनमा गर्नु पर्ने सङ्घर्ष र सफलताको कथा बोकेको निर्माण पक्षले जनाएको छ् । फिल्ममा विपिन सँगै केकी अधिकारी, लक्ष्मी बर्देवा, भुवन चन्द, अभय बराल, लोकमणी सापकोटा लगायतका कलाकारहरुको पनि अभिनय रहेको छ ।
फिल्म ‘प्रसाद’ का निर्देशक दिनेश राउत र सोही फिल्मका निर्माता सुभाष थापाको संयुक्त लगानीमा निर्माण भएको सो फिल्ममा निर्देशक विशाल सापकोटाकै लेखन रहेको छ भने सुसन प्रजापतिको छायाङ्कन, जीवन थापाको सम्पादन, सुवास भुसालको सङ्गीत तथा निर्मल लामाको कोरियोग्राफी रहेको छ ।
filmyfanda.com