नायक प्रदिप खड्काले शेयर गरे ‘क्याप्टेन’ को प्रोमो

काठमाडौँ । युवा सुपरस्टार अनमोल केसीको चलचित्र ‘क्याप्टेन’ को अफिसियल ट्रेलर युट्युबमार्फत सार्वजनिक भएको छ । शुक्रवार राजधानीमा एक कार्यक्रमका बिच पत्रकारमाझ ट्रेलर सार्वजनिक गरिएको हो ।
दिवाकर भट्टराईद्धरा निर्देशित चलचित्र ‘क्याप्टेन’ ट्रेलरमा चलचित्रका सम्पूर्ण कलाकारहरूलाई स्थान दिइएको छ । फुटबलमा देशका लागि गोल्ड मेडल जित्ने अठोट बोकेको निशानको जीवनमा आउने अनेक उतारचढावलाई ट्रेलरमा देखाइएको छ । निशानको क्यारेक्टरमा रहेका अभिनेता अनमोलले चलचित्रमा एक फुटबल खेलाडीको भूमिका निभाएका छन् । अनमोलको अभिनेत्री द्वय उपासना सिंह ठकुरी र प्रियंका एमभीसँग प्रेमलाई पनि ट्रेलरमा देखाइएको छ ।
हिजो सार्वजनिक ट्रेलरलार्इ नायक प्रदिप खड्काले पनि शेयर गरेका छन् । नेपाली फिल्म उद्योगमा प्रेमगीत, लिलि बिलि , तथा रोज जस्ता सफल मिल्म पस्केका प्रदिपको अागामी फिल्म ” लभ स्टेशन ” प्रदर्शनको तयारीमा रहेको छ ।
प्रोमो शेयर गर्दै प्रदिपले भनेका छन् , ” जिवनका संघर्ष सिकाउने जस्तो भान हुने फिल्म क्याप्टेनले खेलकुदलार्इ पनि उत्तिकै जोड दिएको छ भन्ने देखिन्छ । अाशा छ यो फिल्मले धेरै नेपाली खेल प्रेमिको मन छुनेछ । “