बक्स अफिस टप कलेक्सनको चौँथो नम्बरमा “२.०”

चर्चाको शिखर चुमेको चलचित्र “२.०”ले कमाइ पनि आक्रमक गरिरहेको छ । सन् २०१० मा रजनीकान्त र ऐश्वर्या राय बच्चनको सुपरहिट फिल्म ‘रोबोट’ को सिक्वेल “२.०”को ट्रेलरले समेत निकै प्रशंसा बटुलेको थियो । बलिउड सुपरस्टार अक्षय कुमार र रजनीकान्तको फिल्म “२.०” ले प्रदर्शनको पहिलो हप्तामा विश्व भरीमा नै पाँच सय करोडभन्दा बढी कमाई गरेको थियो ।”२.०”ले बक्स अफिसको कलेक्सनमा चौँथो स्थान आगटेको छ भने प्रदर्शनको दास्रो सातासम्म आइपुग्दा वल्र्डवाइडमा ७ सय करोड भन्दा बढी कमाइ गरेको बताइएको छ ।
अहिलेसम्म भारतीय बक्स अफिसको टप कलेक्सनमा रहेका चलचित्र ३३६.१९ करोडसहित “सन्जु” पहिलो, २८४.६८ करोडसहित “पदमावत” दोस्रो, २२४.०८ सहित “एभेन्जर इन्फिनीटी वार” तेस्रो र १७३ करोडसहित “२.०” चौँथो नम्बरमा रहेका छन् ।
गत बिहीवार २९ नोभेम्बरमा रिलिज भएको फिल्म “२.०”एस शंकरद्वारा निर्देशित छ । फिल्ममा रजनीकान्त र अक्षय कुमारसँगै ऐमी ज्याक्सनले पनि महत्वपुर्ण भुमिका निभाएका छन् ।