निक जोनासको कन्सर्टको लागी प्रियंका सिंगापुरमा

काठमाडाैं ।
बलिउडमा पछिल्लो समय अभिनेत्री प्रियंका चोपडा र हलिउड गायक निक जोनासको प्रेम सम्बन्धको निकै चर्चा हुने गर्दछ । केही समय अघि प्रियकाले निकसँग इन्गेजमेन्ट गरेको समाचार बाहिरिएको थियो । त्यस्तै प्रियकाले निकसँग विवाह गर्ने बहाना बनाउँदै अभिनेता सलमान खानको चलचित्र ‘भारत’ छोडेको समाचारले मिडियामा निकै स्थान पायो । यति बेला प्रियंका आफ्नो प्रेमी निक जोनासको कन्सर्ट हेर्ने सिङ्गापुर पुगेकी छिन् ।
गत राती आयोजना भएको कन्टर्समा प्रियंका निकको हात समाउँदै कन्सर्ट भएको स्थानमा पुगेको भिडियो यति बेला सामाजिक सञ्जालमा भाइरल भइरहेको छ । त्यस्तै एक भिडियोमा प्रियंका कन्सर्टमा रमाइरहेकी छिन् । उनी निकले गाउँदै गर्दा नाचेको भिडियो पनि भाइरल बनिरहेको छ ।