चैत्र २५ मा आउने गरि चलचित्र “पर्व” निर्माणको घोषणा

मनोरंजनसंसार डटकम
चलचित्र “क्लासिक” का निर्देशक दिनेश राउतले अब नया चलचित्र निर्देशन गर्ने भएका छन् | चलचित्रको नाम हो “पर्व” | चलचित्रमा धेरै बर्ष अगाडी मोक्ष नामक चलचित्रबाट डेब्यु गरेका नायक कोशिश क्षत्री फेरी अब यस चलचित्रमा देखिने भएका छन् | यस्तै उनि नेपाली गीत संगीतमा पनि निकै सक्रिय रहेका छन् | यस चलचित्रमा उनको जोडीको रुपमा भने नायिका नम्रता श्रेष्ठ हुने छिन् | राजधानीमा आयोजित एक कार्यक्रम बिच चलचित्रमा घोषण गरिएको हो |
त्यस्तै चलचित्र निर्माण पक्षेले उक्त कार्यक्रम बिच चलचित्रको प्रदर्शन मिति पनि तय गरिसकेको छ | चलचित्र आउदो चैत्र २५ बाट प्रदर्शनमा आउने छ | त्यस्तै चलचित्रमा नम्रता र कोशिश संगै अमितेष शाह, प्रिया रिजाल, श्रीयन्स तिमिल्सिनाको मुख्य भूमिका रहनेछ । त्यसै गरि चलचित्रमा कोशिश क्षेत्रीको कथा, किरण माइकल घिमिरेको पटकथा तथा संवाद, राजेश श्रेष्ठको छायांकन, सुरेन्द्र पौडेलको सम्पादन, हिमाल केसीको एक्शन, कविराज गहतराजको कोरियोग्राफी फिल्ममा रहनेछ ।
चलचित्रको निर्माणमा साझेदारी गोपिकृष्ण मुभिजको टिभी फिल्मीले गर्दैछ । चलचित्रको कथा वस्तु सस्पेन्स शैलीमा तयार रहने जानकारी निर्देशक दिनेश राउतले जानकारी दिएका छन् | कुनै एउटा पर्वमा घट्ने घटना र त्यस पश्च्यात त्यस घटनाले एउटा पात्रको जीवनमा निम्त्याउने फेर बदलको कहानीलाई चलचित्रमा प्रस्तुत गरिने कुरा पनि उनले उल्लेख गरेका छन् |