“अनमोल क्षण” को महसुस असार १७ बाट

मनोरंजनसंसार डटकम
सिक्किमवासीहरुले निर्माण गरेको चलचित्र अब नेपाली बजारमा प्रदर्शन हुने भएको छ | सिक्किमवासी नेपालीहरु नेपाली चलचित्र निर्माणमा सक्रिय भैरहदा सिक्किममा बनेको चलचित्र “अनमोल क्षण” यहि आउदो असार १७ बाट नेपालमा प्रदर्शन हुने भएको छ |
अनमोल गुरुङ्गले निर्माण गरेको चलचित्र सिक्किमको विभिन्न सहरमा प्रदर्शन भैसकेको छ | सिक्किमको सुन्दर दृश्य समेटेर छायांकन भएको चलचित्रले विभिन्न अवार्ड समेत जितिसकेको छ | पारिवारिक प्रेमकथामा आधारित रहेर निर्माण भएको चलचित्रलाई राधा थापाको प्रस्तुतिमा किशोर दुन्ग्माली राईले निर्माण गरेका हुन् |
चलचित्र “अनमोल क्षण” मा सलोम काबो लेप्चा, इसनेहा दुन्ग्माली राई,अनुरुप राई, सन्नी लेप्चा लगाएतका कलाकारहरुको अभिनय हेर्न पाइने छ | चलचित्र निकै नै राम्रो बनेको र दर्शकहरुको रोजाईमा पर्ने विश्वास निर्माण टिमले बेक्त गरेको छ | चलचित्रमा सामाजिक कथा बस्तु समेटिएको र दर्शकहरुलाई भरपुर मनोरंजन दिने प्रयास गरिएको कुरा निर्माता किशोर दुन्ग्माली राईले बताएका छन् |
श्री कृष्ण फिल्म्सले नेपालमा वितरण गर्न लागेको चलचित्रमा अनमोल गुरुङ र आनन्द राई को संगीत रहेको छ भने पनु लुक्सोमको छायांकन रहेको छ | चलचित्र प्रोमोशन को क्रममा अहिले किशोर दुन्ग्माली राई सहितको टोली अहिले नेपाल आएको छ | चलचित्र निर्माता किशोर दुन्ग्माली राईले सम्पूर्ण दर्शकहरुलाई एकपटक चलचित्र हेरेर कमि कमजोरी औल्याईदिन आग्रह गरेका छन् | उनले भने “दर्शकको बुझाईनै हाम्रो सम्पति हो” |