चर्चित हाँस्य कलाकार विल्सन विक्रम राइले आफ्नो चर्चित गीत ‘नाइन्टिन फाउन्टिन’को भिडियो तयार पारेका छन् । विल्सनले नेपाल टेलिभिजनबाट प्रशारण हुने हाँस्यशृखला ‘मेरी बास्सै’मा बोल्ने गरेको ‘नाइन्टिन फाउन्टिन’ थेगोमा आधारित ‘नाइन्टिन फाउन्टिन’को भिडियो तयार पारेका हुन् । गीतको भिडियो विल्सन विक्रमको साथमा मोडल पार्वती राइले मोडलिङ गरेकी छिन् । भिडियोमा नेपाली मौलीक संस्कृति झल्किने भेषभुषमा सजिएका कलाकारको साथमा तक्मे बुढाले मेरी बास्सैमा नै लगाउँदै आएको पोषाक लगाएका छन् । सुनिल जंग थापाले निर्देशन गरेको भिडियोलाई विक्रम थापाले खिचेका हुन् । विदेशी संस्कृतीलाई प्राथमीकता दिनु नहुने तथा स्वदेशका संस्कृतिलाई उजागर गर्नुपर्ने मुल संन्देश गीतले बोकेको विल्सन विक्रमले जानकारी दिए । गीतमा विल्सन विक्रम राईको नै शब्द र स्वर रहेकोे छ ।