‘प्रेमगीत ३’को हिन्दी डबिङ र इडिटिङको काम सकियो

काठमाडाैँ । बहुप्रतिक्षित नेपाली फिल्म ‘प्रेमगीत ३’को हिन्दी डबिङ सकिएको छ । निर्माण युनिटले दिएको जानकारी अनुसार भारतमा पोस्ट प्रोडक्सनको काम भइरहेको यस फिल्मको हिन्दी डबिङ सकिएको हो ।
निर्माण पक्षले दिएको जानकारी अनुसार गत शुक्रबारसम्म बहुप्रतिक्षित फिल्मको हिन्दी डबिङ र सम्पादनको काम समेत सकिएको छ ।
नेपाली लगायत धेरै भाषामा प्रदर्शन हुने तयारी रहेको यो फिल्मको अब ब्याकग्राउन्ड स्कोर, भिएफएक्स, गीत रेकर्ड लगायतको काम बाँकी रहेको जनाइएको छ ।
गत वर्ष चैत २८ गते रिलिज हुने भनिएको यो फिल्म कोरोना भाइरसको महामारीसँगै गरिएको लकडाउनसँगै रिलिज डेट अनिश्चित बनेको थियो ।
यो फिल्म स्वर्गीय छेतन गुरुङ र निर्माता सन्तोष सेनले मिलेर निर्देशन गरेका हुन् ।  फिल्ममा शिव श्रेष्ठ, प्रदीप खड्का, सुनिल थापा, माओत्से गुरुङ, सन्तोष सेन, मनिष राउत, पुस्कर कार्की, प्रेम पुरी, लक्ष्मी वर्देवा, अनुभव रेग्मी, सम्वृद्धि शाही ठकुरी, योगिशा खत्री, जीवन भट्टराई लगायतको अभिनय रहेको छ । यो फिल्म क्रिस्टिना गुरुङ नायिकाको रुपमा डेब्यू फिल्म हो ।