काठमाडाैं ।
यो बर्षको बहु -प्रतिक्षित तथा युवा स्टार प्रदीप खड्का र जसिता गुरुङको मुख्य भूमिका रहेको फिल्म ‘लभ स्टेशन’ को प्रदर्शन मिति तय भएको छ । यस अघि चैत १ बाट प्रदर्शनमा आउने भनिएको फिल्मको रिलिज डेटमा हेरफेर भएर चैत्र २२ गतेका लागि तय गरिएको हो । अझ रोचक के छ भने यहि मितिमा फिल्म नेपालमा मात्रै न भएर वोर्ल्ड वाइल्ड प्रदर्शनमा आउने भएको छ ।
उज्वल घिमिरेको निर्देशन रहेको लभ स्टेशनको सम्पुर्ण छायांकन भारतको दार्जीलिङ, कालिङपोङ, सिक्किम, लगायत नेपालको पुर्वी भेगका इलाम फिक्कलमा गरिएको छ । फिल्ममा प्रदीप र जसितासँगै मिस सिलगुढी श्रद्धा क्षेत्री, निरुता सिंह, सरोज खनाल, प्रकाश शाह लगायतका कलाकारहरुको अभिनय रहेको छ । फिल्ममा आलोक शुक्लाको छायाँकन, शम्भुजीत बासकोटा, दीपक शर्मा, राजनराज शिवाकोटी र एलिश कार्कीको संगीत रहेको छ । पारिवारिक प्रेमकथामा आधारित लभ स्टेशनलाई काफिया फिल्म्सको व्यानरमा काफिया शाही (क्रिसु) र कविर बिक्रम शाहीले निर्माण गरेका हुन् । फिल्मका निर्माता गोविन्द शाही रहेका छन् ।
अत्यन्तै चर्चा कमाउन सफल जोडी जसिता र प्रदिपको अागमनका लागि दर्शकहरू अत्तालिएको निर्माण पक्षले जनाएको छ । युट्युबमा रिलिज भएको १ हप्तामा नै लिलि बिलिले ४० लाख दर्शक पाएको थियो । यसले नै प्रदिप र जसिताको लोकप्रियतालार्इ प्रस्ट पार्ने निर्माण पक्षले मनोरञ्जनलार्इ बताएको छ ।
फिल्मका निर्माता गोबिन्द शाहीले बताए अनुसार फिल्म युनिट अहिले फिल्मको प्रचारमा ब्यस्त रहेको छ । ‘लभ स्टेशन’ युनिट अहिले फिल्म प्रचारका लागि भियतनाम र इन्डोनेसियामा रहेको निर्माताले मनोरञ्जनलार्इ बताएका छन् ।
