गायक राम थापाको ‘काँचो बयर’ सार्वजनिक

काठमाडाैं । भजन गायकका रुपमा बेग्लै पहिचान बनाउन सफल गायक राम थापाको नयाँ लोक गीत भिडियो ‘काँचो बयर’ सार्वजनिक भएको छ ।उक्त गीतको बिमोचन पूर्व प्रधानमन्त्री तथा नेकपा अध्यक्ष पुष्पकमल दाहाल प्रचण्डको हातबाट गराइएको थियो ।
स्याङ्जा चापाकोटका गायक थापाले २०६३ सालमा पहिलो गीति एल्बम हजुर सत्य रामाराम गाएका थिए ।कामना डिजिटल प्रा. लि. को प्रस्तुतिमा म्युजिक नेपालद्वारा बजारमा ल्याइएको गीतमा गायक राम थापा र चर्चित गायिका शान्ति श्री परियारको स्वर रहेको छ भने शब्द सि. पि. मगरको रहेकाे छ । उक्त गीतको भिडियोमा भरत थपलिया तथा भावना बन्जाराको उत्कृष्ट अभिनय रहेको छ।
कार्यक्रममा ने. क. पा.का सचिव बिष्णु पौडेल, भरतपुर महानगरपालिकाकी मेयर रेनु दाहाल, प. वालयोगेश्वर महाराजका साथै भरतपुर महानगरपालिका अन्तर्गत विभिन्न वडाका वडा अध्यक्षहरु लगायत वरिष्ठ व्यक्तित्वहरुको उपस्थिति रहेको थियो।