‘बीर बिक्रम २’ मा पल भित्रिए

काठमाडाैँ ।
नायक आकाश श्रेष्ठले फिल्म ‘बीर बिक्रम २’बाट हात झिकेपछि नायक पल शाह भित्रिएका छन् । अकाशको हजुर बुवा बिरामी भएको कारण अकाशले फिल्म छोडेका हुन् ।
निर्देशक तथा निर्माता मिलन चाम्सले ‘बिर बिक्रम २’ मा पललाई लिएको प्रेस विज्ञप्ती जारी गरेका छन् । ‘बीर बिक्रम २’ मा अनुबन्धीत नायक आकाश श्रेष्ठका हजुर बुवा श्री बाल प्रसाद श्रेष्ठलाई थप उपचारको लागी भारत लानु पर्ने हुँदा आकाशले फिल्म ‘बीर बिक्रम २’ लाई समय दिन नसक्ने भएपछि नायक आकाश श्रेष्ठको ठाँउमा नायक पल शाहा अनुबन्धित भएको विज्ञप्तीमा उल्लेख गरेको छ ।
फिल्ममा बर्षा सिवाकोटी, नाजिर हुसेन र पल मुख्य भूमिकामा रहनेछन् । फिल्म मंसीर ३ गते सोमवारबाट छायांकनमा जाने भएको छ ।