“जय श्री दाम”को पोस्टर सार्वजनिक, रिलिज डेट पनि तय

काठमाडाैं ।
नेपाली फिल्म ‘जय श्री दाम’ को अफिसियल फस्टलुक पोस्टर रिलिज भएको छ । पोस्टरमा मुख्य अभिनेता त्रय अमृत ढुङ्गाना, विनोद न्यौपाने र राजन खवितडा फिचर छन् ।
राजन खतिवडा पण्डितको भेषमा प्रस्तुत हुँदा अमृत र विनोद गमलालाई ‘नमस्ते’ गरेको अवस्थामा देखिएका छन् । फिल्मकी सोलो हिरोइन जेबिका कार्कीलाई भने पोस्टरमा स्थान दिइएको छैन ।
‘जय श्री दाम’ ले पैसा कमाउन गर्ने पात्रहरुको कथा वाचन गर्ने निर्देशक बिप्लोप उप्रेतीले जानकारी दिए ।
पुष २० गतेलाई प्रदर्शन मिति तय गरिएको उक्त फिल्म मङ्की टेम्पल प्रोडक्सन, क्रेजी ह्याण्डस् प्रोडक्सन र नेशनल मिडिया प्रोडक्सनको संयुक्त ब्यानरमा बनेको हो । फिल्मको कार्यकारी निर्मातामा पृथ्वी उप्रेती र मनोज उप्रेती छन् भने सह-निर्मातामा मित्र डि गुरुङ र रविन आचार्य छन् ।
निर्देशक उप्रेतीसँगै अमरद्विप सापकोटाको पटकथा रहेको ‘जय श्री दाम’ लाई मित्र डि गुरुङको सम्पादन छ भने रविन आचार्य डिओपी रहँदा सिनेम्याट्रोग्राफरमा नवराज उप्रेती छन् ।
यो फिल्ममा संगीत सुशान्त गौतमको छ । अमृत, राजन, जेबिका र विनोदसँगै प्रमोद अग्रहरी र विष्णु सापकोटा पनि ‘जय श्री दाम’ मा लिड अभिनयमा छन् ।