“नेपथ्य”ले लण्डनमा प्रस्तुति दिने

काठमाडाैं ।
पाँच वर्षअघि विम्बले एरेनामा ऐतिहासिक प्रस्तुती दिएको र तीन वर्षअघि लण्डनकै ओ टु एकेडेमी ब्रिक्सटनमा प्रस्तुत भएको नेपथ्यले फेरि तेस्रो पटक बेलायतमा प्रस्तुति दिने भएको छ । तर नेपथ्यको ओ टु एकेडेमीमा भने यो दोश्रो प्रस्तुति हुने छ । यसअघि भर्खरै अमेरिकाको बोस्टन र टेक्ससपछि जापानको टोकियो डोममा नेपथ्यले भब्य प्रस्तुती दिएको थियो । यसै सेप्टेम्बरको १ को प्रस्तुतिका लागी बेलायतमा प्रदर्शनको तयारी ब्याण्डले सुरु गरिसकेको छ । कार्यक्रमका निम्ति ओ टु एकेडेमीले अनलाइन बुकिङको समेत ब्यवस्था गरेको छ ।
बेलायतको शोलाई ‘देब्रे इभेन्ट्स्’ का चन्द्र गुरुङले आयोजना गर्न लागेका हुन् । लण्डनमा अमृतलाई उनका साथीहरु ड्रममा ध्रुव लामा, किबोर्डमा सुरज थापा, बेस गितारमा सुविन शाक्य,गितारमा निरज गुरुङ र मादलमा शान्ति रायमाझीले सघाउने छन् ।