काठमाडाैं, १३ वैशाख – पछिल्ला दिनहरूमा बेबी सिरियल अर्थात नेपाली वेभ सिरिजहरू युट्युबमा चर्चा कमाइरहेका छन्। त्यसै ट्रेण्डलार्इ अात्मसाथ गर्दै अहिलेका युवा पुस्तालार्इ समेट्ने प्रयत्न गरी निर्माण गरिएको नयाँ वेभ सिरिज ‘लभ फ्लु’ को ट्रेलर रिलिज भएको छ।
युट्युब च्यालनमार्फत साप्तहिक रूपमा अाउने कार्यक्रम ‘लभ फ्लु’ दिनेश पराजुलीले निर्देशन गरेको हो। पछिल्लो समय विभिन्न म्युजिक भिडियो, चलचित्र, ट्वान्टी फस्ट लभ लगाएतबाट अनुभव बटुलीसकेका पराजुलीले ‘लभ फ्लु’ मार्फत दर्शकहरूलार्इ भरपुर मनोरञ्जन दिने प्रयास गरेका छन्।
युवाहरूलार्इ लक्षित गरिएको उक्त सिरिजलार्इ सन्तोष सिटाैला र चर्चित ढुंगेलको लेखन गरेका छन्। उक्त सिरिजमा उदीयमान मोडल तथा युवा कलाकार जीवन पाैडेल, सोभित बस्नेत, श्रृष्टी भट्टरार्इ, निर्मला न्योपानो, रोशन कार्की, अाशिका भण्डारी, अभिषेक ढकाल लगाएत कलाकारको अभिनय रहेको छ।
गोकुल खनालले छायांकन गरेको उक्त सिरिज उत्तर राना मगरले सम्पादन गरेका हुन्। सिरिजमा गाैरभ दर्पण,सचिन सिंह र प्रदिप श्रेष्ठले संगित भरेका छन्। ‘लभ फ्लु’का निर्माता लक्ष्मण खनाल र कृतान्जली ढुंगल रहेका छन्।