“किङ” को राम्रो सुरुवात , सिंगल थिएटरमा निखिलको कब्जा संगै मल्टिप्लेक्समा अनुप विक्रमको अधिक प्रभाव

मनोरंजनसंसार डटकम
पुस २८ गते बिहिवार देखि प्रदर्शनमा आएको चलचित्र “किङ” ले काठमाडौँ उपत्यका मात्रै सिंगल थिएटरमा ८० प्रतिशतको अकुपेन्सी कायम गरेको छ । चलचित्रको प्रदर्शन मिति एक दिन अगाडी सरेको हुदा अधिकांश दर्शकहरु अन्योलमा परेको पनि पाइएको छ । तर पनि चलचित्रले बिहिवार नै दर्शकहरुको अत्याधिक साथ पाएको छ । चलचित्रको मल्टिप्लेक्समा पनि निकै राम्रो सुरुवात भएको छ । चलचित्र हेर्ने दर्शकहरुले चलचित्रको खुलेर तारिफ गरेका छन् ।

चलचित्रमा बिशेष गरि एक्शन नायक निखिल उप्रेतीको फरक प्रस्तुति र ह्याण्डसम हंक भिलेन अनुप विक्रम शाहीको अभिनयको पनि दर्शकहरुले दिल खोलेर प्रशंसा गरेका छन् । दर्शकहरुको आजको बेजोड उपस्थितिले सिंगल थिएटरमा निखिल उप्रेतीको कब्जा रहेको छ भने मल्टिप्लेक्समा अनुप विक्रम शाहीको अधिक प्रभाव देखिएको छ । बिहिवारको दर्शकहरुको भिडको हिसाबले शुक्रवार र शनिवार सिनेमा हलले चलचित्र “किङ” हेर्न आउने दर्शकहरुको भिड थाम्न नसक्ने संकेत देखिन्छ ।

चलचित्रको कथा वस्तु र प्रस्तुतिको साथमा एक्शन चलचित्रको मुख्य आकर्षणको बिषय बनेको छ । चलचित्रमा कलाकारहरुले आफ्नो पात्रलाई गरेको न्यायले पनि चलचित्रलाई सफल बनाउनुमा धेरै ठुलो भूमिका खेलेको देखिएको छ । नायिका बेनिषा हमालको सुन्दरता र अभिनयको पनि दर्शकहरुको माझमा चर्चा चलेको छ । चलचित्रको कथा वस्तुलाई सहि रुपले प्रस्तुत गर्न सक्नु निर्देशक शबिर श्रेष्ठको अब्बल पन हो । दर्शकहरुको किङ प्रतिको माया र सम्मानको निर्माता जयन श्रेष्ठले आत्मसाथ गरेका छन् ।

जगन श्रेष्ठको प्रस्तुति रहेको चलचित्र “किङ”मा निखिल संगै अनुप विक्रम शाही , बेनिषा हमाल , रुप राना , प्रज्वल सुजल गिरी , जगन श्रेष्ठ लगाएतका कलाकारहरुको मुख्य अभिनय रहेको छ | चलचित्रलाई लेखन तथा निर्देशन शबिर श्रेष्ठले गरेका छन् | चलचित्रमा संजय लामाको छायांकन र रोशन श्रेष्ठको द्वन्द निर्देशन रहेको छ | चलचित्रको काठमाडौँ उपत्यका भित्रको बजार वितरकको जिम्मा काफिया फिल्म्स अन्तर्गत गोबिन्द शाहीले लिनु भएको छ भने काठमाडौँ उपत्यका बाहिरको जिम्मा डिसियनले गरेको छ |
हेर्नुस ट्रेलर :