भब्य र शब्य रुपमा सम्पन्न “लभ साशा” को रेड कार्पेट प्रिमिएर शो , जाने माने ठुला ठुला हस्तीहरुको उपस्थिति

मनोरंजनसंसार डटकम
पुस २८ गते प्रदर्शनको लागि तयार बसेको चलचित्र “लभ साशा” ले मंगलवार बेलुका कुमारी हलमा भब्य अनि शब्य रुपमा आफ्नो रेड कार्पेट प्रेमिएर शो सम्पन्न गरेको छ । प्रिमिएर शो मा नेपाली चलचित्र जगतका जाने माने ठुला ठुला हस्तीहरुको उपस्थिति रहेको थियो । चलचित्र हेर्नको लागि अहिलेका चर्चित नायिका देखि नायकको साथमा अधिकांश चलचित्र निर्माता तथा निर्देशकहरु एवं ठुलो संख्यामा पत्रकारहरुको पनि बेजोड उपस्थिति रहेको थियो । चलचित्र हेरेर निस्केपछि सबैको मुहारमा एक किसिमको खुशीको रङ छाएको देखियो । चलचित्र हेर्ने सबैले चलचित्रको बारेमा सकारात्मक प्रतिक्रिया दिएका छन् । चलचित्र अधिक उत्कृष्ट बनेको कुरा सबैले बताए । यस्तै चलचित्रमा समावेश संवादहरुले धेरैको मन छोएको कुरा पनि त्यहाँ पाईएको छ ।

यस्तै चलचित्रको कथा वस्तुलाई लेखक तथा निर्देशक प्रचण्डमान श्रेष्ठले निकै राम्रो शैलीमा प्रस्तुत गरेको कुरा पनि उपस्थित सबैले बताए । यस्तै चलचित्रलाई एक सुरमा बगाउन सक्नु निर्देशक श्रेष्ठको अब्बल पन हो । यसै गरि अहिलेको पिडिलाई बुझेर चलचित्रको कथा बुन्नु र त्यसलाई नै पर्दामा सहि ढंगले सबैको मनमा बस्ने गरि प्रस्तुत गर्न सक्नु पनि उनको माहिर पन हो । चलचित्रमा कलाकारहरुको अभिनयले पनि उपस्थित सबैलाई लालाहित तुल्याएको छ । यस्तै नायक कर्मा र केकीको प्रेम कहानीलाई सबैलाई आत्मसाथ पनि गरेका छन् । चलचित्रले अधिकांश दर्शकहरुको मन छुने र सबैलाई केहि नया कुराको महसुस गराउने कुराको संकेत त्यहाँ उपस्थित सबैले दिएका छन् ।

चलचित्रका निर्माता माधव वाग्ले हुन् । उनले नेपाली चलचित्र जगतमा यो लामो समयको यात्राको दौरान दर्शकहरुको माझमा आफ्नो छुट्टै पहिचान बनाईसकेका छन् । चलचित्रको प्रिमिएर हेरिसकेपछि सबैले उनलाई दिल खोलेर बधाई अनि सफलताको लागि शुभकामना पनि दिएका छन् । यस्तै उनले पनि सबैको उपस्थितिलाई मनै देखि आत्मसाथ गर्दै आगामी दिनहरुमा समेत दर्शकहरुलाई निराश हुने कुनै काम नगर्ने प्रतिबध्ता समेत जाहेर गरेका छन् ।


पपकर्न पिक्चर्सद्वारा प्रस्तुत गरिएको र प्रिन्सेस मुभिज र दि टि फोकस फिल्म्सको निर्माणमा तयार भएको चलचित्रमा कर्मा , केकी अधिकारी , शिवानी चालिसे , विकास जोशी , रश्मी भट्ट र आसिफ शाह लगाएतका कलाकारहरुको मुख्य अभिनय रहेको छ | यसका साथमा चलचित्रमा शिवराम श्रेष्ठको छायांकन , लोकेश बज्राचार्यको सम्पादन र पार्श्वधुन जेसन कुंवरको संगीत समावेश रहेको छ | चलचित्रको प्रोडक्सन म्यानेजर शंकर पाण्डे हुन् भने पब्लिसिटी डिजाइनको जिम्मा स्वप्निल आचार्यले लिएका छन् |
हेर्नुस ट्रेलर :

हेर्नुस गीत :