बलिउड बादशाह शाहरुख खान माथि “पुरानो डुंगा” हाबी

मनोरंजनसंसार डटकम
लामो समय देखि चर्चामा रहेको चलचित्र “पुरानो डुंगा” अब मंसिर १० गते अर्थात् भोलि शुक्रबार देखि देशभरका सम्पूर्ण हलहरुबाट एकैसाथ प्रदर्शनमा आउदै छ | चलचित्रले बुधवार राजधानीमा भब्य र शब्य रुपमा आफ्नो प्रेमिएर शो पनि सम्पन्न गरेको छ | चलचित्रको प्रेमिएर शो मा चलचित्र हेर्ने नेपाली चलचित्र क्षत्रका नाम चलेका ठुला ठुला हस्तीहरुको साथमा अधिकांश पत्रकारहरुको पनि उपस्थिति रहयो | चलचित्र हेरिसकेपछि सबैले निकै राम्रो प्रतिक्रिया दिएका छन् | चलचित्र निकै नै राम्रो बनेको र कलाकारहरुको साथमा निर्देशक राम बाबु गुरुङको काम पनि अति प्रशंसनीय योग्य रहेको सबैले बताएका छन् | त्यस्तै चलचित्रको अहिले सबै तिर आक्रामक रुपमा बुकिङ्ग हुन थालिसकेको छ | बलिउडका बादशाह शाहरुख खान माथि नै चलचित्र “पुरानो डुंगा” हाबी हुन पुगेको छ | शुक्रवार चलचित्र “पुरानो डुंगा” को साथमा बलिउड स्टार शाहरुख खानको चलचित्र प्रदर्शनमा आउदै छ तर दर्शकहरु भने “पुरानो डुंगा” को पक्षेम देखिएका छन् | सबै तिर अहिले “पुरानो डुंगा” को अग्रिम बुकिङ्ग निकै तिब्र रुपमा भईरहेको छ | प्रदर्शन मिति सम्ममा त कतिपय दर्शकहरुले टिकट नै नपाउने सम्मको संकेत पनि देखिन थालिसकेको छ | बलिउड भन्दा अब हाम्रो नेपाली चलचित्र पनि उच्चस्तरीय हिसाबले प्रस्तुत हुन सक्छ भन्ने कुराको ज्वलन्त उदहारण यति बेला चलचित्र “पुरानो डुंगा” बनेको छ |


चलचित्रमा सामान्य परिवारको कथा वस्तुलाई केन्द्र बिन्दु बनाईएको छ तर निकै सहज तरिकाले कुनै पनि दर्शकको मन यस चलचित्रले राज गर्न सक्ने देखिन्छ | चलचित्रको प्रस्तुति नै निकै राम्रो रहेको छ | निर्देशक राम बाबु गुरुङले निकै मेहेनतका साथ दर्शकहरुलाई मनोरंजन प्रदान गर्ने थुप्रै खुराकहरु चलचित्रमा मिश्रण गरेका छन् | चलचित्रका सबै पात्रहरुको अभिनय बलियो नै देखिन्छ यसका साथमा चलचित्रमा प्रस्तुत दुख पिडाको चित्रण चलचित्रको अर्को बलियो पक्षे हो | चलचित्रको गीत संगीतले आकाश नै छोइसकेको छ | चलचित्र प्रदर्शन हुनु भन्दा यति लामो समय देखि तिब्र रुपमा चलचित्रको चर्चा हुनुको पहिलो उदहारण नेपाली चलचित्र इतिहासमा चलचित्र पुरानो डुंगा बनेको छ | यस चलचित्रको निर जैले रिसाउने बोलको गीतले त अहिले सम्मको सबै रेकर्ड नै तोडिसकेको छ | नेपालको यस्ता शायदै कमै स्थान होला जहाँ यो गीत नपुगेको र नेपालमा यस्ता मान्छे भेटिन गार्हो हुन्छ जसले यो गीत नहेरेको र नसुनेको |



चलचित्रको यस किसिमको चर्चाले भोलिको दिनमा चलचित्रले ठुलो सफलता हात पर्ने पक्का देखिन्छ | चलचित्र निकै मनोरंजननात्मक हिसाबले तयार भएको र चलचित्रको कथा वस्तुले दर्शकहरुको मन छुने विश्वास निर्देशक राम बाबु गुरुङले ब्यक्त गरेका छन् | चलचित्रको अहिलेको चौतर्फी चर्चा परिचर्चाले र चलचित्रले बलिउडको चलचित्र माथि हाबी भएर अहिले गरिरहेको आक्रामक बुकिङ्गको हिसाबले आफ्नो चलचित्र प्रति आफ्नी निकै आशावादी रहेको कुरा उनले उल्लेख गरेका छन् | त्यस्तै उनले आफ्नो चलचित्र हेरिसकेपछि चलचित्र प्रतिको आफ्नो प्रतिक्रियाहरु जस्ताको त्यस्तै राखिदिनु हुन सबै दर्शकहरुलाई बिनम्र अनुरोध समेत गरेका छन् |

सिनेमा आर्टको ब्यानरमा माओत्से गुरुङको प्रस्तुति रहेको चलचित्रमा दयाहाङ्ग राई , माओत्से गुरुङ , प्रियंका कार्की , मेनुका प्रधान , डीबी गुरुङ , बुद्धि तामाङ्ग , मणि राम पोखेरल , पुस्कर गुरुङ , पुर्णिमा गुरुङ , सुदाम सिके., मिन पुन र नवाजुंग गुरुङ लगाएतका कलाकारहरुको मुख्य भूमिका रहेको छ | चलचित्रको कथा प्रस्तुतकर्ता माओत्से गुरुङको हो भने स्क्रिप्ट लेखनको काम निर्देशक रामबाबु गुरुङ र उपेन्द्र सुब्बाले गरेका छन् | पछिल्लो समय “कबड्डी” र “कबड्डी कबड्डी” जस्ता सर्भादिक सफल चलचित्र निर्देशन गरिसककेका निर्देशक रामबाबु गुरुङको यो तेस्रो चलचित्र हो | सैलेन्द्र डि कार्कीको छायांकनमा रहेको चलचित्रको सम्पादनको जिम्मा भने निमेष श्रेष्ठले लिएका छन् | चलचित्रका निर्माता तर्फ रौनक विक्रम कडेल , ओम चन्द रौनियार ,धन बहादुर गुरुङ र प्रकाश गुरुङ रहेका छन् | त्यसै गरि चलचित्रका सहनिर्माता तर्फ अर्जुन कार्की , फुलन देवी गुरुङ छन् भने कार्यकारी निर्माता तर्फ माओत्से गुरुङ , मणि राम पोख्रेल र बाल्मिकी पोखरेल रहेका छन् | चलचित्रको बजार वितरकको जिम्मा गोबिन्द शाहीले लिनुभएको छ |