कार्तिक १९ मा दर्शक माझ आउदै हिक्मत बिष्टको “द विनर”

मनोरंजनसंसार डटकम
डाईमण्ड स्टार फिल्म्स प्रा.लि को प्रस्तुति रहेको चलचित्र “द विनर” ले कार्तिक १९ गतेको लागि आफ्नो प्रदर्शन मिति तोकेको छ | चलचित्रले केहि समय अगाडी मात्रै आफ्नो पहिलो ट्रेलर सार्वजनिक गरिसकेको छ | भाद्र महिनामा रिलिज गर्ने कुरा भए पनि प्राबिधिक कारण बस भनेको समयमा चलचित्र प्रदर्शन गर्न नसकेको कुरा निर्माण पक्षेले जानकारी दिएको छ |

हिक्मत बिष्टको निर्देशनमा तयार भएको चलचित्रमा मलिन जोशी , महेश मान श्रेष्ठ , मनचिन शाक्य , रेशु तामाङ्ग , राजकुमार पन्त , अमित गिरी लगाएतका कलाकारहरुको मुख्य भूमिका रहेको छ | चलचित्रका निर्माता श्रीजना शाह र विकास खरेल रहेका छन् | चलचित्रमा अमित श्रेष्ठको शब्द संगीत , प्रबिशा अधिकारी र किरण भुजेलको स्वर , कविराज गहतराजको नृत्य निदेशन र हिमाल केसीको द्वन्द समावेश रहेको छ | चलचित्रको कथा लेखनको काम भने महेश मान श्रेष्ठले गरेका हुन् | चलचित्रका सहायक निर्देशक विवेक लामा हुन् भने मुख्य सहायक निर्देशक राम खड्का रहेका छन् | चलचित्रका सह निर्माता तर्फ अमित गिरी , राजेश प्रसाद जोशी र निरोज श्रेठ रहेका छन् | त्यसै गरि रितेश राना र सुषित पन्त चलचित्रका कार्यकारी निर्माता रहेका छन् |
चलचित्र लव स्टोरी र एक्शनमा केन्द्रित रहेको छ | नेपाल र दुबईमा छायांकन गरिएको चलचित्रमा विभिन्न रोचक कुराको समेत मिश्रण गरिएको छ | चलचित्रको ट्रेलर नै थ्रिलरले भरिएको छ | चलचित्र निकै नै राम्रो बनेको र धेरै दर्शकहरुको मन जित्ने विश्वास निर्देशक हिक्मत बिष्टले ब्यक्त गर्नुभएको छ |
हेर्नुस ट्रेलर :