मनोरंजनसंसार डटकम
पछिल्लो साता रिलिज भएको दक्षीण भारतीय फिल्मका सुरपस्टार रजनीकान्त अभिनित फिल्म ‘कबाली’ले बक्स अफिसमा एक सातामा राम्रो कमाई गर्न सफल भएको छ । यद्यपि यो एक्सन–थ्रिलरले बलिउड सुपरस्टार सलमान खान अभिनित ‘सुल्तान’को पहिलो हप्ताको कमाईलाई भने उछिन्न सकेन ।
कबालीको पहिलो साताको कमाई वीश्वभरबाट जम्मा ३३५ करोड रुपैयाँ भयो भने सुल्तानको सोही अवधीमा कमाई ३७० करोडभन्दा बढी भएको थियो ।
कबालीका निर्माता कलाइपुली एस थानुका अनुसार कबालीले रिलिज भएको छ दिनमा ३२० करोड कमाउन सफल भएको हो । जसमा चेन्नईबाट मात्रै छ दिनमा ६ करोड रुपैयाँ कमाई गर्न फिल्म सफल भएको थियो ।
हालसम्मको रेकर्ड अनुसार पिकेले कुल ७९२ करोड, बजरंगी भाइजानले ६२६ करोड र बाहुबलीले ५८६ करोड कमाएको थियो । सुल्तानले यी फिल्मको कमाइलाई पछ्याउँदै हालसम्ममा ५५० करोड कामइसकेको छ । सुल्तानले भारत भित्रमात्रै ४०५ करोड रुपैयाँ र बाहिरी बजारबाट १५१ करोड रुपैयाँ कमाइ गरेको हो ।
