तामिल चलचित्रका सर्वाधिक सफल नायक विक्रम नेपाल आएका छन्। आफ्नो अगामी फिल्म सुटिङका लागि उनी नेपाल आएका हन्। उनी आफ्नो नाम तय नभैसकेको नयाँ चलचित्र छायांकनका लागि नेपाल आएको वुझिएको छ । चलचित्रको छायांकन काठमाण्डौको साथमा पोखरा, भक्तपुरमा गरिनेछ । चलचित्र छायांकनका लागि यो यूनिट तराइका विभिन्न जिल्लामा समेत जानेछ ।
चलचित्रका लागि नायक ज्याकी सौफ पनि नेपाल आउने बताइएको छ । सन् १९९० मा तामिल फिल्म इन कढाल कन्मानीबाट यात्रा सुरु गरेका ४८ वर्षीया विक्रमले ६ पटक उत्कृष्ट अभिनेताका लागि फिल्म फेयर अवार्ड जितिसकेका छन्। उनीद्वारा अभिनिति फिल्म सेथु, ढिल, जेमिनी, ढोल, सामीलगायतले सफलता हात परेको थियो। मालायालम र तेलुगु फिल्ममा समेत काम गरिसकेका उनले उत्कृष्ट अभिनेताकै लागि नेशनल फिल्म अवार्ड र तामिल नाडु स्टेट फिल्म अवार्डसमेत पाइसकेका छन्।