किशोरको एक्शन सहित “पार्सल” को टिजर सार्वजनिक

मनोरंजनसंसार डटकम
मंसिर २४ गते प्रदर्शन मिति तय गर्दै चलचित्र “पार्सल” ले आफ्नो पहिलो टिजर सार्वजनिक गरेको छ | सार्वजनिक टिजरको अनुसार चलचित्र एक्शन बेसमा बनेको देखिन्छ | रबिन श्रेष्ठको निर्देशनमा तयार भएको चलचित्रमा किश्वोर खतिवडा , निता ढुंगाना , विक्रम सिंह , प्रभु श्रेष्ठ , प्रेसिका निरौला , किश्वोर साम्बाहाङ्गपे , मनोज शाक्य , प्रेम सुब्बा लगाएतका कलाकारहरुको मुख्य भूमिका रहेको छ | चलचित्रमा दयाराम पाण्डेको शब्द , विकास चौधरीको संगीत , युवराज राईको छायांकन र दिनेश लिम्बु र गोविन्द राईको नृत्य निर्देशन समावेश रहेको छ |

चलचित्रलाई किशोर लिम्बु साम्बाहाङ्गपेले निर्माण गरेका छन् | चलचित्रको अधिकांश छायांकन पूर्वी नेपालको अधिक सुन्दर ठाउहरुमा गरिएको छ | चलचित्र निकै नै राम्रो बनेको र दर्शकहरुलाई भरपुर मनोरंजन प्रदान गर्ने विश्वास निर्माण पक्षेले ब्यक्त गरेको छ |
हेर्नुस टिजर :